Ձեր վստահելի աղբյուրը

Արի Պերմանը 10 տարեկան է, կշռում է 192 կգ: Ճարպակալման խնդրով տառապող տղայի համար  ծնողները որոշել են խիստ դիետա սահմանել: 

«Դեյլի Մեյլ»-ը գրում է, որ Ինդոնեզիայում ապրող տղան նախկինում սնվել է օրական հինգ անգամ, սնունդ էլ եղել է բրինձ, ձուկ, պահածոյացված միս, բանջարեղենային սուպեր, երկու պիրոգ: Այսքանով կարող էր կշտանալ երկու չափահաս մարդ: Բայց  հիմա այդքանը նրան չի բավարարում, անընդհատ սոված է:

Կազմվածքի պատճառով նա չի կարողանում սովորական հագուստ կրել, հատուկ փաթաթաններով է:

«Նա միշտ հոգնած է, բողոքում է շունչը կտրվելուց: Նա միայն ուտում է ու քնում, երբեմն մտնում է փոքրիկ լողավազանն ու այնտեղ նստում մի քանի ժամ: Նա շատ արագ է աճում, ես չգիտեմ ուրիշ ինչ կարելի է անել՝ բացի սննդի չափը սահմանափակելուց»,-պատմել է նրա մայրը:

Երեխան ծնվել է 3.2 կգ քաշով: 2 տարեկանից հետո նա սկսել է արգ քաշ հավաքել: Սկզբում ծնողներն ուշադրություն չեն դարձել դրան, քանի որ մտածել են, երեխան գիրանում է, քանի որ առողջ է:

«Ես ուզում եմ, որ իմ երեխան խաղա մյուս երեխաների հետ»,-ասել է մայրը:

Ծնողները մի քանի անգամ դիմել են բժիշկների օգնությանը, նրանք ասել են, որ երեխայի քաշի ու հասակի միջև շեղումներ չկան:  Ծնողները չեն հասցնում կերակիրել երեխային, քանի նրա հայրն աշխատում է ֆերմայում և քիչ է վաստակում՝ ամսական 135 դոլար: