Թևան Պողոսյան. Ամեն ինչ պետք է անել, որ հարաբերությունների լավացումը մեր հաշվին չլինի

Քաղաքական 15:37 30/06/2016 Հայաստան

Թևան Պողոսյան. Ամեն ինչ պետք է անել, որ հարաբերությունների լավացումը մեր հաշվին չլինի

Միշտ կրկնել եմ՝ պետք չէ մտահոգվել ռուս-թուրքական հարաբերությունների վատացումից, ուշ թե շուտ երկու մեծ երկիր գտնելու են իրենց հարաբերությունները բարելավելու ուղիները: Եթե կարողանանք օգտվել այդ վատացումից, շատ լավ, եթե չենք կարողանա, ամեն ինչ պետք է անել, որ երբ գա հարաբերությունների լավացման ժամանակը, մեր հաշվին չլինի,- լրագրողների հետ հանդիպման ժամանակ ասաց ԱԺ պատգամավոր Թևան Պողոսյանը:

Նա նշեց, որ պատմության ընթացքում ռուս-թուրքական 100 պատերազմ է եղել, մեկում հաղթել է Թուրքիան, 99-ում՝ Ռուսաստանը, ամեն անգամ պատերազմներից հետո եղել է հարաբերությունների մերձեցման ժամանակահատված այս կամ այն փոքր երկրի հաշվին:

«Այսօր մեր առջև խնդիր է դրված՝ ձևավորել այնպիսի Հայաստան, որ պատմությունը չկրկնվի, կարողանանք պաշտպանել մեր շահերը, թույլ չտանք մեր շահերի հիման վրա Ռուսաստանը, Թուրքիան մերձեցնեն իրենց հարաբերությունները: Դրա համար պետք է լինենք տնտեսապես ուժեղ, զարգացնել ներքին ժողովրդավարական ինստիտուտները, ձևավորել ճիշտ հարաբերություններ, երբեք չվախենալ, որ երկու այլ պետություններ կարող են իրենց հարաբերությունները բարելավել կամ վատացնել: Եթե քո ողնաշարը թույլ է, կապ չունի ինչքան սիրուն աչքեր ունես կամ ինչքան գրագետ միտք կարող ես արտահայտել, ոչ մեկ հաշվի չի նստի, հաշվի են նստում ամուր, պինդ մեջքի հետ»,- ասաց քաղաքական գործիչը:

Ըստ նրա, ցանկացած երկիր պետք է շարժվի ելնելով իր շահերից, այսօր Ռուսաստանն ու Թուրքիան հենց դա էլ անում են՝ փորձելով բարելավել իրենց հարաբերությունները:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: