Ձեր վստահելի աղբյուրը

Այն, որ բաց երկնքի քաղաքականությունը չի նպաստում Հայաստանում հայկական ավիացիայի զարգացմանը, ապացուցում են վերջին տարիները։ Ի՞նչ կոնկրետ քայլեր են արվում այս պահին հայկական ավիացիան զարգացնելու ուղղությամբ՝ «Իրատես»-ը հարցրել է ավիացիայի վարչության նորանշանակ պետ Սերգեյ Ավետիսյանին:

«Բաց երկնքի քաղաքականությունը երբևէ չի ենթադրել, որ Հայաստանը չպետք է ունենա տեղական ավիացիա։ Մենք ուղղակի չենք ունենալու ազգային ավիափոխադրող։ Դա այն ավիափոխադրողն է, որն օգտվում է պրեֆերենցիալ ռեժիմներից։ Մենք ընդամենը ասում ենք, որ հայկական ավիափոխադրողը պետք է շուկայում գործի արտերկրի ավիափոխադրողներին հավասար պայմաններում»,-ասել է Ավետիսյանը։

-Այդ դեպքում ինչո՞ւ այս պահին ոչ ոք չի ցանկանում Հայաստանում հիմնել ավիաընկերություն։
-Որովհետև աշխարհում ավիացիան շատ թանկ բիզնես է և պահանջում է խոշոր կապիտալ ներդրումներ։

-Ռազմավարական առումով դա չի՞ հարվածում մեր ընդհանուր քաղաքականությանը, չէ՞ որ միակ բաց ճանապարհը օդայինն է։
-Մենք ունենք ուղևորահոսքի աճ և ունենք գների անկում։ Եթե սա բացասական է, ապա ի՞նչ ասեմ...

-Եթե որևէ երկրում պատերազմական իրավիճակ լինի, և անհրաժեշտություն առաջանա այդ երկրից մեր հայրենակիցներին դուրս բերելու, ինչպես մի քանի տարի առաջ Սիրիայից «Արմավիան» դուրս բերեց, ո՞ւմ է դիմելու Հայաստանը։
-Ճանապարհները շատ են։