Ձեր վստահելի աղբյուրը

Ուկրաինայի նախագահ Պյոտր Պորոշենկոն կարծում է, որ ՆԱՏՕ-ի հավաքական անվտանգությունը կարող է օգտվել Ռուսաստանի Դաշնության հետ պատերազմի ուկրաինական փորձից: Korrespondent-ը հայտնում է,  որ սրա մասին նա գրել է Wall Street Journal-ի համար իր հոդվածում:

«ՆԱՏՕ-ի անդամ ոչ մի պետություն ժամանակակից ռուսական բանակի դեմ ռազմական գործողությունների փորձ չունի: Ուկրաինան նման փորձ ունի»,-գտնում է Պորոշենկոն:

Ուկրաինայի նախագահի խոսքերով՝ Կրեմլի գործողությունները բավականին ակտիվ և ուժեղ են, որպեսզի ճնշում գործադրեն Ուկրաինայի և Արևմուտքի վրա:

«Քանի դեռ Կրեմլն ընդունակ է փոքր հրդեհներ  հրահրել առանձին շրջաններում, ինչպիսիք են Դոնեցկը և Լուգանսկը, նա կօգտագործի դրանք որպես գործիք այլ երկրներին ճնշելու և վախեցնելու համար»,-ընդգծել է նա:

Պորոշենկոն նշել է, որ Ռուսաստանը նպատակաուղղված ուժեղացնում է անկայությունն այնտեղ, որտեղ դա հնարավոր է՝ հույս ունենալով պառակտել Արևմուտքը և հասնել իր աշխարհաքաղաքական նպատակներին, դրա համար էլ Ուկրաինան և ՆԱՏՕ-ն պետք են մեկը մյուսին:

«Միայն խորը գործընկերությունը ՆԱՏՕ-ի և Ուկրաինայի միջև կապահովի կայունության Ուկրաինայում, Արևելյան Եվրոպայում, Սև ծովում և տրանսատլանտյան տարածաշրջանում ամբողջությամբ: ՆԱՏՕ-ի աջակցությունը անհրաժեշտ բաղադրիչ է ռազմական խնդիրների լուծման և Ուկրաինայում անվտանգության սպառնալիքների հաղթահարման համար»,-նշել է Ուկրաինայի նախագահը:

Աղբյուրը հայտնում է նաև, որ այսօր Պորոշենկոն գնացել է Լեհաստան՝ ՆԱՏՕ-ի գագաթաժողովին մասնակցելու: