Ասորական համայնքը բարձրաձայնում է՝ Արզնիում գտնվող ասորական եկեղեցին գտնվում է երրորդ կարգի վթարայնության աստիճանում
Ասորական համայնքը պաշտոնապես դիմել էր ՀՀ մշակույթի նախարարություն՝ Արզնի գյուղի 1840 թվականին կառուցված և երբևէ չվերանորոգված ասորական եկեղեցու վերանորոգման խնդրի կապակցությամբ: Ստացել էր պատասխան, որ Հայաստանի տարածքում շատ ավելի արժեքավոր եկեղեցիներ կան։ ԲՀԿ կենտրոնական գրասենյակում տեղի ունեցած «Բարգավաճ Հայաստան» կուսակցության ազգային փոքրամասնությունների հարցերով հանձնաժողովի նիստի ժամանակ Ասորական համայնքի հոգևոր առաջնորդ հայր Նիկոդինը բարձրացրել է երրորդ կարգի վթարայնության աստիճանում գտնվող եկեղեցու մասին: Ըստ նրա, եկեղեցին գործող է վթարայնության աստիճանը անվտանգության լուրջ խնդիրներ է առաջացնում։
ԲՀԿ մամուլի ծառայությունից հայտնում են, որ նիստին ներկա են եղել Հայաստանի եզդիական, քրդական ևասորական համայնքների ներկայացուցիչները, ովքեր ԲՀԿ ղեկավար կազմի հետ քննարկել են իրենց համայնքներին առնչվող մի շարք խնդիրներ։
Քրդական համայնքի ներկայացուցիչները խոսել են իրենց համայնքներում ազգային փոքրամասնության խնդիրների՝ մասնավորապես, գոնե մեկ մշակութային կենտրոն ունենալու մասին, ինչը հնարավորություն կտա պահպանել ազգային իրենց մշակույթը։
Եզդիական համայնքը բարձրացրել է մի շարք հարցեր, մասնավորապես՝ եզդիաբնակ գյուղերի հանրակրթական դպրոցներում իրենց մայրենի լեզվի դասավանդման հետ կապված խնդիրներն ու նաև եզդիերենով դասավանդող ուսուցիչների վճարման հարցը։ Առաջարկ է եղել դիմել գիտության ե կրթության նախարարությանը՝ առաջարկելով պայմանագիր կնքել ազգային փոքրամասնությունների այն ներկայացուցիչների հետ, ում, համաձայն սահմանված կարգի, ուսման առաջին տարվա վարձը տալիս է պետությունը, որպեսզի վերջիններս պարտավորություն ունենան ուսումն ավարատելու հետո առնվազն երեք տարի աշխատել իրենց համայնքներում։ Համայնքի ներկայացուցիչներն առաջարկել են նաև հանրակրթական դպրոցներում եզդիերենի դասավանդման համար նախատեսված խմբակներին հատկացվող գումարների օգտագործման առավել արդյունավետ տարբերակ՝ մի քանի համայնքի համար մեկ միասնական կիրակնօրյա դպրոց կազմակերպել, ինչը նաև նշյալ ազգային փոքրամասնության կրոնի և մշակույթի պահպանմանև ուսուցման կենտրոն կարող է դառնալ։
Եզդիական համայնքի ներկայացուցիչները դիմել են նաև ԱԺ քաղաքական ուժերին՝ կոչ անելով միանալ ԲՀԿ-ի օրենսդրական նախաձեռնությանը՝ եզդիների հանդեպ Հյուսիսային Իրաքում տեղի ունեցածը ցեղասպանություն որակելու համար։
ԲՀԿ ղեկավար կազմի ներկայացուցիչները վստահեցրել են, որ ակտիվորեն զբաղվելու են նշյալ բոլոր հարցերով, որպեսզի գոնե այն նվազագույն խնդիրները, որ հնարավոր է լուծել՝ կարճ ժամկետում իրենց լուծումը ստանան։
Լրահոս
Տեսանյութեր
Քեզ ըտենց Դո՞գն է ասել. Լարված վիճակ Երևանի ավագանիում
