Ձեր վստահելի աղբյուրը

ԱՄՆ-ն պատրաստ է աջակցել ԼՂ խնդրի կարգավորմանը: Թվիթերյան իր միկրոբլոգում գրել է ԼՂ խնդրի կարգավորմամբ զբաղվող ԵԱՀԿ  Մինսկի խմբի ամերիկացի համանախագահ Ջեյմս Ուորլիքը:
Նա նշել է, որ ԱՄՆ պետքարտուղար Ջոն Քերրին խոսել է Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի հետ:

«Բոլոր կողմերը ժխտեցին պատերազմը և հայտնեցին իրենց հավատարմությունը բանակցություններին: ԱՄՆ-ն  պատրաստ է աջակցել հակամարտության կարգավորմանը»,-գրել է ամերիկացի համանախագահը:

.@JohnKerry spoke with #Sargsyan and #Aliyev about #NKpeace. All reject war and are committed to negotiations. The US stands ready to help.

— James Warlick (@AmbJamesWarlick) 8 июля 2016 г.

Հիշեցնենք, որ աշխատանքային այցով Լեհաստանի Հանրապետությունում գտնվող Նախագահ Սերժ Սարգսյանը հուլիսի 8-ի երեկոյան ՆԱՏՕ-ի գագաթնաժողովի շրջանակներում հանդիպում է ունեցել ԱՄՆ պետքարտուղար Ջոն Քերիի հետ:

ՀՀ Նախագահը և ԱՄՆ պետքարտուղարը քննարկել են Լեռնային Ղարաբաղի հիմնախնդրի կարգավորմանը վերաբերող հարցեր: Զրուցակիցները ևս մեկ անգամ կարևորել են Վիեննայում և Սանկտ Պետերբուրգում կայացած հանդիպումների ժամանակ ձեռքբերված պայմանավորվածությունների անվերապահ կենսագործումը: