Ձեր վստահելի աղբյուրը

Մեծ Բրիտանիայի իրավապահ մարմինները հայտարարել են, որ Եվրոպական միությանը անդամակցելու հանրաքվեից հետո ատելության հողի վրա հանցագործությունների թիվն աճել է: Լուրը գրում է «Գազետա.ռու»-ն՝ վկայակոչելով The Guardian-ը:

Հաղորդվում է, որ հանրաքվեից մեկ շաբաթ հետո հանցագործությունների թիվը աճել է 42 տոկոսով՝  համեմատած քվեարկությունից մեկ շաբաթ առաջվա տվյալների։ Այդպիսով, հունիսի 16-ից  սկսած երկու շաբաթվա ընթացքում, 3076 միջադեպ է գրանցվել,  որը 915-ով ավելի է նախորդ տարվա նույն ժամանակահատվածի համեմատ:

Լրատվամիջոցի փոխանցմամբ՝ իրական թիվը կարող է շատ ավելի բարձր լինել.  ըստ վիճակագրության, այս բնույթի չորս միջադեպերից միայն մեկն է հաղորդվում ոստիկանություն:

Իրավապահ մարմինների տվյալներով՝ այդ աճն ամենավատն է ողջ պատմության մեջ: Ոստիկանության Ազգային խորհրդի պետ Մարկ Հեմիլթոնը վստահ է, որ սա ուղղակիորեն կապված է հանրաքվեի արդյունքի հետ, ըստ որի բրիտանացիները ցանկացել են դուրս գալ ԵՄ-ից:

«Որոշ մարդիկ ընդունում են որպես իրավունք՝  իրենց ռասիստ կամ կրտական պահելու համար:  Մենք չենք կարող չնկատել հանրաքվեի և ատելության հողի վրա հանցագործության թվի աճի կապը»,-հայտարարել է նա:

Ըստ նրա՝ հիմնականում խոսքը գնում է ռասիստական բնույթի հետապնդումների կամ սպառնալիքների մասին, որոնք ուղղված են տեսանելի փոքրամասնությունների և Արևելյան Եվրոպայի քաղաքացիների դեմ: Վերջին մի քանի օրերին կայունանում է հանցավորության մակարդակը և գնում է դեպի ավանդականը: