Ձեր վստահելի աղբյուրը

WikiLeaks-ը Թվիթերում ազդարարել է, որ շուտով ավելի քան 100 հազար փաստաթուղթ է   հրապարակելու թուրքական իշխանությունների մասին:

«Պատրաստ եղեք կռվի, երբ մենք կհրապարակենք ավելի քան 100 հազար փաստաթուղթ՝ Թուրքիայի քաղաքական իշխանության կառուցվածքների մասին»,-նշված է կազմակերպության հաղորդագրության մեջ:

Հիշեցնենք, որ հուլիսի 15-ին Թուրքիայում մի խումբ բարձրաստիճան զինվորականների նախաձեռնությամբ տեղի ունեցավ ռազմական հեղաշրջման չհաջողված (կամ՝ չավարտված) փորձ: Այն ճնշվեց ոստիկանության, կառավարությանը հավատարիմ մնացած զինվորական ստորաբաժանումների և «խաղաղ» բնակչության մի մասի  ճնշման արդյունքում:

Վերջին տվյալներով, հեղաշրջման փորձի հետևանքով զոհվել է ավելի քան 200 մարդ: Ձերբակալվել է ավելի քան 7 հազար մարդ, աշխատանքից ազատվել է 8 հազար ոստիկան: Հեղաշրջման կազմակերպման մեջ իշխանութունները մեղադրում են Ֆետուլլահ Գյուլենին, ով ապրում է ԱՄՆ-ում: Գյուլենի կողմնակիցները հերքում են մեղադրանքները:

WikiLeaks Türkiye'nin siyasi güç yapısıyla alakalı 100 bin dökümanı yayınlamaya hazırlanıyor #TurkeyCoup

— WikiLeaks (@wikileaks) 18 июля 2016 г.