![](https://panorama.am/news_images/539/1616085_1/untitled_7.thumb.jpg)
Արման Անդրեասյանը հաղթեց ադրբեջանցի մարզիկին և հռչակվեց Եվրոպայի չեմպիոն
Շվեդիայի մայրաքաղաք Ստոկհոլմում շարունակվում է ըմբշամարտի Եվրոպայի պատանեկան առաջնությունը: Մրցումային երկրորդ օրը մրցագորգ էին դուրս եկել 46 կգ, 54 կգ, 63 կգ, 76 կգ և 100 կգ ազատ ոճային ըմբիշները:
Ինչպես տեղեկացնում է տեղեկացնում է Հայաստանի ըմբշամարտի ֆեդերացիայի պաշտոնական կայքը, 63 կգ քաշային Արման Անդրեասյանը, ով ինչպես այստեղ անցկացրած իր նախորդ 3 գոտեմարտերում, այնպես էլ եզրափակչում, վճռորոշ պահին փայլուն գործեց ու համառ ջանքերի գնով 4:3 հաշվով առավելության հասնելով Ադրբեջանի պատվիրակ Ինալ Ժոպուայի նկատմամբ՝ հռչակվեց Եվրոպայի չեմպիոն:
46 կգ քաշային Ռազմիկ Պապիկյանը եզրափակչում 0:6 հաշվով զիջեց ռուս Ալիկ Խադարցևին և բավարարվեց արծաթե մեդալով: 2015 թ. Եվրոպայի չեմպիոն Արսեն Հարությունյանը, ով այս տարի ներկայացնում էր 54 կգ քաշային կարգը, եզրափակչում 3:4 հաշվով պարտվեց հույն մրցակցին և դարձավ արծաթե մեդալակիր:
Բրոնզե մեդալներին մոտ էին Արման Ավագյանը (76 կգ) և Աշոտ Ռուշանյանը (100 կգ), ովքեր պարտվեցին մրցանակային երրորդ տեղի համար պայքարում:
Ազատ ոճի ըմբշամարտի Հայաստանի պատանեկան հավաքականը Եվրոպայի 2016 թ. առաջնությունում նվաճեց 1 ոսկե, 3 արծաթե և 2 բրոնզե մեդալ: Հունահռոմեական ոճի ըմբշամարտի 2016 թ. Եվրոպայի պատանեկան առաջնության մասնակիցները մեդալներ կխաղարկեն հուլիսի 23-ին և 24-ին:
Լրահոս
Տեսանյութեր
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)
![Շողեր Բաբայան. Աշակերտի չափ պետք է կարևորվի նաև ուսուցիչը](https://panorama.am/video_images/17/49813_1/f667eaaf24aa7c_667eaaf24aabc.png)
![Ինչպես է քաղաքապետարանը պայքարում բացօթյա առևտրի դեմ](https://panorama.am/video_images/17/49796_1/f667e7ba72a446_667e7ba72a485.png)
![Իրանում հավանական է ընտրությունների երկրորդ փուլ. Իրանագետ](https://panorama.am/video_images/17/49794_1/f667d6fd223ff2_667d6fd224031.jpg)
![Արարատ Միրզոյան. Ես չեմ տեսնում դրական արձագանք Ադրբեջանի կողմից](https://panorama.am/video_images/17/49793_1/f667d62f2f3a73_667d62f2f3ab3.jpg)
![Քաղաքագետ. Կարող է ստանանք ռեգիոնալ մեծ պատերազմ Հայաստանի տարածքում](https://panorama.am/video_images/17/49792_1/f667d628649f9b_667d628649fdb.jpg)