Ձեր վստահելի աղբյուրը

Եվրախորհրդարանը սեպտեմբերին պատրաստվում է  դեմ քվեարկել առանց վիզայի Թուրքիա մուտքի թույլտվության ռեժիմին՝  զինված հեղաշրջման փորձին այդ երկրի իշխանությունների արձագանքի հետևանքով: Այս մասին գրում է «Ռիա Նովոստի»  գործակալությունը՝ վկայակոչելով ԵԽ-ի իր աղբյուրին:

«Ամենայն հավանականությամբ Եվրախորհրադարանը դեմ է քվեարկելու առանց վիզայի Թուրքիա մուտքի թույլտվության վերաբերյալ փաստաթղթին»,-ասել է զրուցակիցը:

Աղբյուրը հիշեցնում է, որ հուլիսի 16-ին Ստամբուլում և ԱՆկարայում զինված հեղաշրջման փորձ իրականացվեց, ինչի հետևանքով 246 մարդ է զոհվել, ավելի քան 2 հազար մարդ ստացել է վնասվածքներ: Փորձը ձախողվեց, 10.4 հազար մարդ ձերբակալվեց, Էրդողանը հայտարարել էր, որ նրանցից 4 հազարը կալանավորվել են, որից 103-ը բանակի գեներալներ են:

Այս ամենից հետո Թուրքիայում սկսեցին խոսել մահապատժի վերականգնման անհրաժեշտության մասին:  ԵՄ-ից ստացած արձագանքները բացասական էին, ինչի հետևանքով Էրդողանը փախստականներին ընդունելու վերաբերյալ նոր սպառանլիքներ է հնչեցրել, ԵՄ-ին մեղադրել երկերեսանիության մեջ:

Դրան ի պատասխան Եվրահանձնաժողովի նախագահ Ժան Կլոդ Յունկերը կոչ էր արել Անկարային զերծ մնալ ահաբեկման ու սպառնալից հռետորաբանությունից վիզային ռեժիմի լիբերալացման գործում ցանկալի արդյունքի հասնելու համար: