Բախշյան. «Բժիշկներին պատանդ վերցնելը խելահեղ քայլ է»
ՊՊԾ գնդում գտնվող զինված խմբի կողմից բժիշկներին պատանդ պահելու փաստն Անահիտ Բախշյանը համարում է խելահեղ:
«Բժիշկներին պատանդ վերցնելը, բոլորովին ողջամիտ քայլ չի: Նույնիսկ պատերազմական ժամանակում, պատերազմի դաշտում բժշկին ոչ մեկ ձեռք չի տալիս: Հիմա, մեր տաքարյուն գլուխները ի՞նչ են ուզում դրանով ասել: Բժիշկներին պատանդ վերցնելը նշանակում է որոշակի մարդկանց առողջությանը վնաս տալ: Ես դեմ եմ այս կարգի գործողություններին: Ես ուղղակի իմաստը չեմ հասկանում, ի՞նչ լավ բան կա դրա մեջ, որ բժիշկներին պատանդ են վերցրել, ի՞նչ նպատակ ունեն»,- Panorama.am-ի հետ զրույցում ասաց Երևանի ավագանու անդամը:
Այն դիտարկմանը, որ խմբի համակիրների կարծիքով՝ բժիշկներին պատանդ են պահում, որպեսզի անհրաժեշտության դեպքում ՊՊԾ գնդի տարածքում բուժօգնություն ցուցաբերեն խմբի անդամներին, տիկին Բախշյանն արձագանքեց. «Բժիշկներին պատանդ վերցնելը խելամիտ չէ, խելահեղ քայլ է: Խելամտություն կլինի, որ բժիշկների գործողություններին չխոչընդոտեն, բժիշկներին թողնեն իրենց գործն անեն: Ես չգիտեմ՝ ովքեր են այդ պատանդ վերցնողները, իրենք ինչպե՞ս կարող են այդ քայլով օգտակար լինել վիրավորներին: Բժիշկներին արագ պետք է ազատել այդ պատանդ վիճակից: Դա ոչ մի լավ տեղ չի տանելու, ոչ մի լավ բան չի լինելու դրա արդյունքում: Բժիշկներին պետք է ազատել, և թույլ տալ, որ իրենք իրենց գործն անեն»:
Նշենք, որ բժիշկները ավելի վաղ ոստիկանությունը հայտարարություն էր տարածել , որտեղ նշվում է.
«Այս գիշեր հաղորդվել էր, որ, ըստ զինված խմբի, ՊՊԾ գնդի տարածքում կա ևս երկու վիրավոր: Իրավապահները նրանց բուժօգնություն տրամադրելու կոչ էին արել և մերժում ստացել: Վիրավորներին բուժհաստատություն տեղափոխելու կոչ էին արել նաև հարազատները։ Իրավապահներն ապահովել էին բոլոր անհրաժեշտ պայմանները։ Իսկ երբ բժիշկները ժամանել են, նրանց պատանդ են վերցրել:
Իրավապահները միջոցներ են ձեռնարկում պատանդված բժիշկներին բանակցությունների միջոցով ազատելու համար»:
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
