Ձեր վստահելի աղբյուրը

Ֆորմալ, իրավական առումով խիստ դատապարտելի երևույթ է բժիշկներին գերի վերցնելը: Այսօր լրագրողների հետ հանդիպմանն ասաց փաստաբան Արմինե Ֆանյանը:

«Բժշկական օգնություն, սպասարկում իրականացնող սույբեկտների իրավունքների ցանկացած սահմանափակում որևէ միջազգային իրավանորմի մեջ չի տեղավորվում: Իսկ որ ՊՊԾ գնդի տարածքում կոնկրետ պատանդներ են գտնվում, դա քննության պետք է առնվի: Առհասարակ, միջազգային ընդունված պրակտիկայում մարդասիրական նման գործառույթ իրականացնող սուբյեկտների պատանդառության դատապարտելիությունը միջազգային իրավանորմերով է ամրագրված: Անգամ պատերազմական իրավիճակներում բժշկական օգնություն իրականացնող անձանց պատանդ վերցնելը, նրանց կյանքը վտանգող որևէ գործողության կատարումը արգելված է»,-ասաց փաստաբանը:

Նրա խոսքով՝ պետության պարտականությունն է պահպանել կայնքի իրավունքը և այդ բժիշկների ազատությունը այնքան կարևոր է, որքնան այդ գնդի տարածքում գտնվող մարդկանց կյանքի իրավունքը:

Ինչ վերաբերում է Խորենացի փողոցին ոստիկանության կողմից մարդկանց բերման ենթարկելու գործողություններին՝ Ֆանյանն ասաց, որ բերման ենթարկելու հիմքերը սահմանված են օրենքով. «Առհասարակ առանց որևէ պատճառի անձին բերման ենթարկելը անձի իրավունքների կոպիտ խախտում է: Ներկայումս բերման ենթակելու պատճառները հասկանալի չեն, ականատես եղանք դեպքերի, երբ անձանց բերման ենթարկեցին պարզապես անձը ճշտելու համար, սակայն դրա համար բերման ենթարկել չի թույլատրվում, դրա համար այլ մեթոդներ կան»: