Ձեր վստահելի աղբյուրը

00:30 (31.07.2016)
Որոշ  ժամանակ քաղաքացիները նստեցին Բաղրամյան պողոտայում, ապա ոստիկանությունը հայտարարեց, որ «դադարեցնեն հակաիրավական գործողությունները, չսահմանափակել այլ անձանց իրավունքները, բացել ճանապարհը», այլապես «օրենքով սահմանված կարգով» կձեռնարկեն միջոցներ երթևեկելի հատվածն ազատելու համար:

Այս հայտարարությունից հետո քաղաքացիները որոշեցին վերադառնալ Ազատության հրապարակ:

23:18
Այժմ մեկին, ով հրդեհվել էր, հանգցրեցին և ճանապարհ են բացում շտապ օգնության համար:  Որոշակիորեն դեռ հայտնի չէ պատահածը: Մոտ կանգնածները ասում են, թե ինքնահրկիզման փորձ էր:

Չնայած այրվածքներին, տղամարդը հրաժարվեց ոստիկանական մեքենա նստել հիվանդանոց հասնելու համար:


22:51
Ի պաշտպանություն ՊՊԾ գունդը գրաված «Սասնա ծռեր» խմբի անդամների՝  քաղաքացի երթով շրջեցին Երևանի  կենտրոնական փողոցներով, այնուհետև շարժվեցին Բաղրամյան փողոց: Սակայն ոստիկանները փակել են ճանապարհը և թույլ չեն տալիս բարձրանել նախագահական նստավայր:

Ոստիկանները պատ են կազմել և փշալարերով փակել ճանապարհը՝ Սահմանադրական դատարանի մոտ:

Ցուցարարները նստել են Բաղրամյան փողոցի սկզբնամասում:

21: 30
Ազատության հրապարակում ի պաշտպանություն ՊՊԾ գունդը գրաված «Սասնա ծռեր» խմբի անդամների հանրահավաքի մասնակիցները բավականին երկար քննարկում էին՝ երթով շարժվել Խորենացի փողոց, թե երևանյան փողոցներով: Կարծիքները տարբեր էին, չէին կարողանում կողմնորոշվել:

Այնուհետև  որոշում կայացվեց երթ անցկացնել՝  Մաշտոցի պողոտայով, Ամիրյանով փողոց  գնալ Հանրապետության հրապարակ, որտեղ էլ կորոշեն հետագա անելիքը:

21:05
Ազատության հրապարակում մեկնարկել է ի պաշտպանություն ՊՊԾ գունդը գրաված մեջ  «Սասնա ծռեր» խմբի անդամների հանրահավաքը:  Հրապարակում է ԱԺ պատգամավոր Նիկոլ Փաշինյանը: Նա ոստիկաններին ասել է, որ կազմակերպչական որևէ գործառույթ չունի, տեղեկություն չունի՝  երթ լինելու է, թե ոչ:  Այնուհետև լրագրողների հետ զրույցում նշեց, որ ինքնաբուխ հավաք է, կազմակերպիչ չունի, Հայաստանի հավաքների ազատության մասին օրենքով նախատեսված հավաք է:

Հանրահավաքի մասնակիցներից Ալբերտ Բաղդասարյանը ասաց, որ այստեղ են նույն պահանջով և տեսալականով՝ ինչ մնացած օրերին:

«Մենք աջակացել ենք  «Սասնա ծռերին», այսօր էլ ենք աջակցելու»,- նշեց նա: 

Այնուհետև հավելեց, որ հրապարակում են պատգամավորներ, սպասում են պատգամավորների ելույթներին: