«Սասնա ծռերի»-ի անդամ Արթուր Մելքոնյանը «Էրեբունի» ԲԿ-ից տեղափոխվել է «Դատապարտյալների հիվանդանոց» ՔԿՀ

Առողջություն 13:00 30/07/2016 Հայաստան

«Էրեբունի» ԲԿ-ում գտնվող «Սասնա ծռեր» խմբի անդամ Պավլիկ Մանուկյանի վիճակը գնահատվում է կայուն՝ դրական դինամիկայով: Լրագրողների հետ զրույցում ասաց «Էրեբունի» ԲԿ գործադիր տնօրեն Միքայել Մանուկյանը:

«Վերքերն ամեն օր մշակվում են, ստանում է համապատասխան դեղորայք»,- նշեց նա:

Պատասանելով հարցին, թե արդյո՞ք սնվում է Պ. Մանուկյանը, Միքայել Մանուկյանն ասաց, որ ստանում է համապատասխան դեղորայք, որն անհրաժեշտ է վնասումի, օրգանիզմը ճիշտ աշխատելո համար:

Հիշեցնենք, որ երեկ Պավել Մանուկյանի փաստաբան Ի. Պետրոսյանը հայտարարել էր, որ իր պաշտպանյալը հուլիսի 27-ից անժամկետ հացադուլ է հայտարարել, այս պահին էլ նա հրաժարվում է սնունդից ու ցավազրկող միջոցներից:

Պավել Մանուկյանը վիրավորվել էր հուլիսի 27-իս գիշեր ՊՊԾ գնդի տարածքում տեղի ունեցած փոխհրաձգության հետևանքով:

«Էրեբունի» ԲԿ-ում են նաև «Սասնա ծռեր» խմբի անդամներ Արմեն Լամբարյանը և Արթուր Մելքոնյանը: Մ. Մանուկյանն ասաց, որ Արմեն Լամբարյանի վիճակը գնահատում են ծանր կայուն՝ դրական դինամիկայով:

«Ընդունվել է հիվանդանոց ազդրի բեկորային վնասում: Վիրահատվել է: Գտնվում է վերակենդանացման բաժանմունքում: Առավոտյան արհեստական շնչառության սարքն անջատել ենք»,- ասաց նա:

ԲԿ տնօերնի խոսքով, Ա. Մելքոնյանը լուրջ վնասվումներ չի ունեցել, միայն քերծվածքներ, փոքր վերքեր, որոնք մշակվել են:

«Երեկ երեկոյան տեղափոխովել է «Դատապարտյալների հիվանդանոց» քրեակատարողական հիմնարկ»,- տեղեկացրեց Մ. Մանուկյանը:

Երեկ ոստիկանությունը տեղեկացրել էր, որ ՊՊծ գնդի տարածքից կրակահերթեր արձակած և իրավապահների պատասխան կրակից վիրավորված Արթուր Մելքոնյանն ու Արմեն Լամբարյանը տեղափոխվել են հիվանդանոց և անհրաժեշտ բուժօգնություն են ստանում:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: