Ձեր վստահելի աղբյուրը

Վերաքննիչ քրեական դատարանում այսօր տեղի է ունեցել «Ժառանգություն» կուսակցության փոխնախագահ Արմեն Մարտիրոսյանի կալանքի որոշման դեմ ներկայացված բողոքի քննությունը, որին ներկա է եղել նաև հենց ինքը՝ Մարտիրոսյանը:

Այժմ դատարանը խորհրդակցական սենյակում է, և մի քանի րոպեից կհրապարակվի որոշումը։

Դռնփակ դատական նիստից հետո լրագրողների հետ ճեպազրույցում Մարտիրոսյանի փաստաբան Գիվի Հովհաննիսյանը լրագրողներին տեղեկացրեց, որ նիստում նրա խափանման միջոցը գրավով փոխելու միջնորդությանը ոչ քննիչները և ոչ էլ դատախազը չեն առարկել:

«Լարվածությունը թուլացել էր, և չառարկեցին, հնարավոր է, ազատ արձակվի», -հավելեց փաստաբանը՝ նշելով, որ գրավի չափը որոշում է դատարանը և միայն դրա վճարումից հետո Մարտիրոսյանը կարող է ազատ արձակվել:

Փաստաբանն ասաց, որ Մարտիրոսյանն իրեն զգում էր «նորմալ, մարտական»: