Ձեր վստահելի աղբյուրը

Այսօր կայացել է ՀՖՖ  մրցավարական կոմիտեի հերթական նիստը: Չնայած այն հանգամանքին, որ «Փյունիկ» և «Գանձասար-Կապան»  ակումբների կողմից բողոքներ չէին ներկայացվել օգոստոսի 21-ին կայացած Հայաստանի Բարձրագույն խմբի առաջնության «Փյունիկ»-«Գանձասար-Կապան» խաղի վերաբերյալ, ՀՖՖ մրցավարական կոմիտեն և մրցավարական բաժինը, հիմք ընդունելով խաղի տեսուչ Ս. Ղազարյանի զեկուցագիրը, համատեղ դիտել են տեսուչի կողմից զեկուցագրում նշված դրվագների տեսագրությունը:

Ինչպես տեղեկացնում է ՀՖՖ պաշտոնական կայքը, պարզվել է, որ խաղի 13-րդ րոպեին «Փյունիկ» թիմի դարպասին սխալմամբ չի նշանակվել 11 մետրանոց հարված, և «Գանձասար-Կապան» թիմի ֆուտբոլիստ Կլաուդիր Մարինի Ջունիորին անհիմն ցույց է տրվել կարմիր քարտ` կեղծակերպ արարքի համար երկրորդ զգուշացում ստանալու համար:

Խաղի 52-րդ րոպեին մրցավար Զավեն Հովհաննիսյանը կոպիտ խաղի համար «Փյունիկի» ֆուտբոլիստ Վահագն Հայրապետյանի փոխարեն սխալմամբ դեղին քարտով պատժել է նույն թիմի ֆուտբոլիստ Վարդան Պողոսյանին:

Հաշվի առնելով նշված հանգամանքները, մրցավարական կոմիտեի անդամները միաձայն
համաձայնվել են տեսուչի որոշման հետ՝ մրցավար Զավեն Հովհաննիսյանին որակազրկել՝ համաձայն մրցավարների և տեսուչների պատասխանատվության մասին կանոնակարգի:

Բցի այդ, չեղյալ է հայտարարվել «Գանձասար-Կապան» թիմի ֆուտբոլիստ Կլաուդիր Մարինի Ջունիորի 13-րդ րոպեի ստացած դեղին քարտը: Չեղյալ է հայտարարվել նաև «Փյունիկ» թիմի ֆուտբոլիստ Վարդան Պողոսյանի՝ խաղի 52-րդ րոպեին  ստացած դեղին քարտը և այն գրանցվել է «Փյունիկի» ֆուտբոլիստ Վահագն Հայրապետյանի վրա: