Ձեր վստահելի աղբյուրը

Գագիկ Ծառուկյանը մշտապես իր նպատակների, անելիքների մասին անձամբ է խոսում:  Panorama.am-ին ասաց Ծառուկյանի մամուլի խոսնակ Իվետա Տոնոյանը՝ անդրադառնալով նրա՝ քաղաքականություն վերադառնալու վերաբերյալ հնչած կարծիքներին:

«Մինչ օլիմպիական խաղերի մեկնարկը ես առիթ չեմ ունեցել պարոն Ծառուկյանի հետ խոսել այս թեմայով, որովհետև նրա ողջ ուշադրությունը սևեռված է եղել  օլիմպիական խաղերին, մեր հավաքականի նախապատրաստական աշխատանքներին»,-ասաց Տոնոյանը:

Վերջինս ասաց, որ սկզբունքորեն չեն մեկնաբանում Ծառուկյանի՝ քաղաքականություն հնարավոր վերադարձի վերաբերյալ վերլուծություններն ու մեկնաբանությունները:

«Պարոն Ծառուկյանը մշտապես իր նպատակների, անելիքների մասին  անձամբ է խոսում: Այնպես որ, եթե նպատակահարմար գտնի, անձամբ այս թեմային կանդրադառնա»,-ասաց Իվետա Տոնոյանը:

Հիշեցնենք, որ ԱԺ պատգամավոր, «Բարգավաճ Հայաստան» կուսակցության նախկին ղեկավար Գագիկ Ծառուկյանը Հայաստանի ազգային օլիմպիական կոմիտեի նախագահն է:

Նշենք, որ  «Առավոտ»-ի հետ զրույցում ԲՀԿ քաղխորհրդի  անդամ,  Վայոց ձորի  նախկին մարզպետ  Սերգեյ Բագրատյանը նշել էր. « 500.000 վստահության քվե տված  ժողովուրդն իրավունք ունի պահանջելու  Գագիկ Ծառուկյանի վերադարձը քաղաքական դաշտ։ Սա հանրային  պահանջ է, որը պետք է  սպասարկի  պետության շահը՝  ի դեմս  ժողովրդի»: