Ձեր վստահելի աղբյուրը

Ապրիլյան դեպքերից հետո ԵԱՀԿ Մինսկի խմբի համանախագահները որոշ չափով ակտիվացան, բայց, ընդհանուր առմամբ, ղարաբաղյան հիմնախնդրի կարգավորման գործընթացքում որևէ լուրջ քայլ չեղավ: Լրագրողների հետ հանիդիպման ժամանակ նման կարծիք հայտնեց քաղաքագետ Ալեքսանդր Իսկանդարյանը:

Ըստ նրա, այժմ էլ աշխատում են համանախագահները, հիմնականում Ռուսաստանը, որպեսզի շփման գծում կրակոցներ չլինեն:

«Ստացվում է, հիմա ավելի լավ վիճակ է, քան նախքան ապրիլն էր»,- հավելեց քաղաքագետը՝ միաժամանակ կարծիք հայտնելով, որ իրավիճակի սրում դեռ հնարավոր է լինի, քանի որ այդ ամենը կանգնեցնելու համար քաղաքական գործիքները բավարար չեն:

Ա.Իսկանդարյանի խոսքով, շատ բան կախված է նավթի գնից, այն իրավիճակից, որ կլինի Ադրբեջանում:

Քաղաքագետի կարծիքով, դեռևս  հաջողվում է պահպանել  համեմատական հանգիստ վիճակը, որոշ ժամանակ կշարունակվի, բայց թե ինչքան՝ չգիտի: