Ձեր վստահելի աղբյուրը

«Եթե մենք մտածում ենք ուժեղ Հայաստանի մասին, մեր զավակների ապագան կերտելու, լավ ապագա ստեղծելու մասին՝ մենք պետք է ունենանք շատ զորավոր քարոզչություն»,- Հայաստանի Կոմպոզիտորների միությունում «Հոգևոր Հայաստան» նախաձեռնության  հիմնադիր համաժողովի ժամանակ ասաց արվեստաբան Լևոն Չուգասզյանը:

Նա նշեց, որ Հայաստանը, որն ունի նաև սփյուռք, պետք է քարոզչությունն անի ոչ միայն հայերեն, այլ բազմաթիվ լեզուներով. «Համացանցը տալիս է քարոզչության հնարավորություն, բայց թիրախը պետք է լինի ոչ միայն հայալեզու զանգվածը, այլ նաև սփյուռքը»:

Արվեստաբանի խոսքով, այսօր կա արբայնակային հեռուստատեսություն, սակայն Հայաստանից աղբ է արտահանում: 

Լ. Չուգասզյանը  կարևորեց նաև ներքին մշակութային քարոզչությունը, որը նույնպես պետք է արվի հեռուստատեսությամբ:

«Մենք չենք վայելում մեր մշակույթը, մենք չենք ապրում մեր մշակույթով»,- ընդգծեց արվեստաբանը: