Ձեր վստահելի աղբյուրը

Իմ մոտեցումը համընդհանուր ճշմարտությունն է, որ, որպես կանոն, չբացահայտվող հանցագործություններ չպետք է լինեն,- Ազգային ժողովում հայտարարեց գլխավոր դատախազի թեկնածու Արթուր Դավթյանը՝ պատասխանելով ՀԱԿ խմբակցության անդամ Արամ Մանուկյանի հարցին՝ թե Մարտի 1-ի բացահայտման ուղղությամբ ի՞նչ եք մտածում անել:

«Նախորդ գլխավոր դատախազը որոշակի դատավարական մեխանիզմներ իրականացրեց, որոնք պետք է ապահովեին քննության հետագա արդյունավետությունը: Այս պահին էլ քրեական գործի  նախաքննությունն ընթացքի մեջ է, քեական գործի վարույթը կասեցված չէ»,- ասաց Ա. Դավթյանը՝ հավելելով, որ դատախազ ընտրվելուց հետո ավելի մանրամասն կուսումնասիրի, դրա բացահայտումն, հանրությանը  հետաքրքրող տեղեկատվության փոխանցումը կլինի իր առաջնահերթություններից մեկը:

Արամ Մանուկյանն առաջարկեց Ա. Դավթյանին խոստանալ, որ այս գործով առաջիկա 5 ամսվա ընթացքում պարբերաբար գրավոր կամ իրենց խմբակցությանը կամ խորհրդարանին կներկայացնի  տեղեկատվություն, նաև իր մոտեցումների  մասին կհայտնի. «Ասեք այո, կամ՝ ոչ»:

Գլխավոր  դատախազի թեկնածուն կրկին ընդգծեց, որ Մարտի 1-ի գործն իր առաջնահերթություններից  մեկն է լինելու, խոստացավ քրեական գործի քննության մասին այս պահի դրությամբ առկա տվյալները, որքան քննության շահը թույլ կտա,  հայտնել:

«Եթե տեսնեմ ձեր աջակցությունն անելիքների մասով, անպայման կանհանգստացնեմ ձեզ, որպեսզի ձեր համար ակնհայտ դառնա դրա բացահայտման օբյկետիվ և սուբյեկտիվ պատճառները»,- ասաց Ա. Դավթյանը: