Ձեր վստահելի աղբյուրը

ՀՀ Ազգային ժողովում շարունակվում է  գլխավոր դատախազի ընտրության հարցը: Թեկնածուն գլխավոր դատախազի տեղակալ Արթուր Դավթյանն է: Վերջինս երեկ խորհրդարանում ներկայացրել է  գլխավոր դատախազ նշանակվելու դեպքում իր ծրագրերը, դատախազական գործունեության առաջնահերթությունները և համակարգի խնդիրները:

Բարգավաճ Հայաստան խմբակցության պատգամավոր Միքայել Մելքումյանը իր ելույթի ժամանակ դիմելով դատախազի թեկնածուին՝ ասաց, որ նա պետք է հստակ ներկայացնի, թե ինչ պետք է անի նա, ինչը չէր արել նախկին դատախազ Գևորգ Կոստանյանը:

«Դա միայն ձեզ չի վերաբերում, այլ տարբեր պաշտոներին: Եթե նոր ծրագիր է իրականացվելու, նոր մոտեցումներ նոր կոնցեպտով, ես կողջունեմ, բայց եթե մենք շարունակելու ենք ստեղծված պայմաններում անել այն, ինչ-որ պայմանը այլ բան թույլ չի տալու, այդ դեպքում ակնկալիքները քիչ են լինելու»,- նշեց Միքայել Մելքումյանը:

Պատգամավորի խոսքերով՝ դատախազի գործունեությունն առնչվում է իրավապահ համակարգի ամբողջ շղթայի հետ, ապա այդ դեպքում, եթե գլխավոր դատախազը ցանկանում է պահպանել սկզբունքայնությունը, բայց լինում է քաղաքական որոշում, ապա հարց է առաջանում՝ կկարողանա՞ պահպանել այդ սկզբունքայնությունը:

«Իհարկե ոչ: Ուրեմն ինչպես անել, որպեսզի պայմաններն այնպիսին լինեն, որ դուք ավելի պաշտպանված լինեք: Ես կուզեի ձեզանից այդ մասին լսել»,- ասաց Միքայել Մելքումյանը:

Այնուհետև ելույթ ունեցավ ԲՀԿ խմբակցության ղեկավար Նաիրա Զոհրաբյանը: Նա իր ելույթում նշեց, որ անընդհատ խոսվում է դատական համակարգում առկա կոռուպցիայի մասին, իսկ Արթուր Դավթյանը որպես համակարգում երկար տարիներ աշխատած մարդ՝ հրաշալի գիտի, թե որտեղ է այդ կոռուպցիան և որտեղից պետք է բռնել:

«Բայց դուք չեք կարող դա անել և չեք անելու, քանի որ դա ձեզ թույլ չեն տալու՝ ինչքան էլ ձեր մարդկային, պրոֆեսիոնալ որակները լինեն ամենաբարձրագույնը: Կրկնում եմ՝ այստեղ մարդկային և պրոֆեսիոնալ որակների խնդիրը չէ, այստեղ խաղի կանոնի խնդիր է: Քանի դեռ խաղի կանոնն այս է, քանի դեռ մեր երկրում կան օրենքից վեր մարդիկ, բացարձակապես այլ հարաբերություններ են գործում, որտեղ հանցագործը, այդ թվում՝ մարդասպանը կարող է հայտնվել ազատության մեջ, իսկ անմեղ մարդը կարող է նրա փոխարեն պատասխանատվություն կրել, ես չեմ հավատում բարի կամքի միսիոներներին: Խաղի կանոնը մինչև չփոխվի,, մինչև քաղաքական որոշում չլինի իսկապես ինչ-որ բան բարեփոխելու, ապա ինչ ուզում եք արեք՝ մեծ առումով մեկ-երկու մարդկանցով ոչինչ չի փոխվելու»:

Նաիրա Զոհրաբյանն իր ելույթի վերջում ավելացրեց, որ ԲՀԿ-ն չի մասնակցելու