Ձեր վստահելի աղբյուրը

Ազգային ժողովում էկոնոմիկայի նախարարի պաշտոնակատար Արծվիկ Մինասյանը ներկայացրեց «Մաքսային  կարգավորման մասին» ՀՀ օրենքում փոփոխության նախագիծը: Ըստ նրա, նախագծի ընդունումը թույլ կտա թեթևացնել բեռը փոքր սուբյեկտների համար, առհասարակ բոլոր սուբյեկտների համար բացում է ճանապարհն արտահանման և ներմուծման ժամանակ ազատորեն օգտվելու ինքնահայտարարագրման մեխանիզմից:

Ըստ նա ներկայացման՝ փոփոխություններից մեկը վերաբերում է բրոկերային ծառայություններից օգտվելու պարտադիր պահանջը հանելուն:

««Մաքսային կարգավորման մասին» օրենքի շրջանակում ապրանքների ներմուծման, արտահանման ժամանակ տնտեսվարող սուբյեկտները ստիպված են լինում դիմել մաքսային միջնորդի ծառայությունից օգտվելուն, այլ կերպ ասած՝ բրոկերային ծառայությունից օգտվելուն, ինչն առաջացնում է մի շարք դժվարություններ թե ուշացումների, թե նաև լրացուցիչ ֆինանսական բեռնվածության տեսակետից, համարվում է բեռ տնտեսվարող սուբյեկտների համար»,- ասաց նախարարի պաշտոնակատարը:

Ա. Մինասյանի խոսքով, նախագծով առաջարկում են հանել պարտադիր պահանջը, թույլատրել, որպեսզի կազմակերպությունները, անձիք իրենք ընտրեն ինքնահայտարարագրման տարբերակը կամ օգտվել բրոկերային ծառայությունից:

Մանրամասները՝ տեսանյութում: