Ձեր վստահելի աղբյուրը

Գործադիրի այսօրվա նիստում վարչապետ Կարեն Կարապետյանը համապատասխան գերատեսչություններին հանձնարարական տվեց, որից մեկը վերաբերում էր գազի և էլեկտրաէներգիայի սակագների վերանայմանը:

Նիստի ավարտին վարչապետը  Հանրային ծառայությունները կարգավորող հանձնաժողովի նախագահ Ռոբերտ Նազարյանինց հետաքրքրվեց, թե ինչքա՞ն  ժամանակ է պետք, որպեսզի գազի և էլեկտրաէներգիայի սակագնի նվազեցման ուղղությամբ առաջարկություններ ներկայացվեն:

Ռոբերտ Նազարյանը հստակ ժամանակ չկարողացավ նշել. «Կխնդրեմ, որ ընդունեք որոշակի սկզբունքներ, միասին փորձենք հասկանալ՝ ի՞նչ ճանապարհով ենք գնում, որից հետո ձեզ ժամկետ կասեմ, քանի որ խնդիրներ կան, որ պետք է մինչև վերջ հասկանանք, որպեսզի սխալ ուղղությամբ չգնանք»:

«Շատ լավ: Հիմա հարմա՞ր է ձեզ խորհրդակցությունից հետո քննարկենք, թե՞ դուք ձեր անձնակազմով պետք է գաք»,- հարցրեց Կարեն Կարապետյանը: Ռոբերտ Նազարյանն էլ ասաց, թե կարող են նաև նիստից հետո կազմակերպել քննարկումը:

Վարչատետը նաև առաջարկեց ՀՀ աշխատանքի և սոցիալական հարցերի, էներգետիկայի և բնական պաշարների նախարարների պաշտոնակատարների հետ քննարկել այդ հարցը:

Այնուհետև Կարեն Կարապետյանը նիստն ավարտեց՝ նախարարներին մաղթելով  բարի տրամադրություն. «Շնորհակալություն, ձեզ բարի տրամադրություն»: