Արաբագետները Սիրիայում հրադադարի լինել-չլինելու մասին
Սա հրադադարի մասին հերթական պայմանավորվածության ձեռքբերում է,-այսօր լրագրողների հետ հանդիպմանը հայտարարեց արաբագետ Սարգիս Գիրգորյանն՝ անդրադառնալով Սիրիայում հրադադարի հաստատման հարցի շուրջ ԱՄՆ-ի ու Ռուսաստանի ձեռքբերած համաձայնությունը:
Արաբագետը Սիրիայում իրողությունը բաժանեց բացասական և դրական կողմերի:
«Դրականն այն է, որ Մոսկվան և Վաշինգտոնը համաձայնության եզրեր են փորձում գտնել սիրիական հակամարտության կարգավորում, ինչի արդյունքը հենց այս համաձայնության ձեռքբերումն էր: Մյուս կարևոր հանգամանքն այն է, որ եթե մի քանի օր տևի հրադադարի իրականացումը, ապա կստեղծվի համակարգող կոմիտե և ռազմական գործողությունների կոորդինացման խումբ, որը պետք է պայքարի ահաբեկչական կառույցների դեմ: Կարծում եմ՝ սա նույնպես որոշակի դրական արդյունք կունենա»,-մանրամասնեց Սարգիս Գրիգորյանը:
Նա փաստեց բացասական կողմեր ևս. «Կրակի դադարեցում, որպես այդպիսին չի եղել, չնայած որոշ հատվածներում այն պահպանվել է, բայց ռազմական գործողությունները դեռևս շարունակվում են: Բացասական կողմերից է նաև այն, որ մարդասիրական օգնությունները որոշ հատվածներ այդպես էլ չեն հասնում: Նաև այն, որ թուրքական զինուժը բավականին ակտիվ գործողություններ է իրականացնում Սիրիայի հյուսիսում, և սա կարող է որոշ ազատություն տալ թուրքական զինուժի գործողություններին»:
Ըստ նրա դիտարկման՝ չի երևում այն ուժը, որը որ ցամաքում պետք է պայքարի ահաբեկչական խմբավորումների դեմ:
Հանդիպմանը ներկա արաբագետ Արմեն Պետրոսյանի դիտարկմամբ՝ համաձայնության փաստաթղթերն ըստ էության չեն հրապարակվել, ընդամենը կան մեկնաբանություններ. «Հայտնի է, որ հինգ փաստաթղթից կազմված ընդհանուր համաձայնություն է, որը պարտականությունները բաժանում է երկու երկրների միջև»:
Արմեն Պետրոսյանի խոսքով՝ այս մի քանի օրերի ընթացքում բավականին հանգուցային միջադեպեր գրանցվեցին, որոնք թույլ են տալիս կանխատեսելու որ, հրադադարի այս ռեժիմը կարծես թե ունենալու է այն նույն ճակատագիրը, որն ունեցել է սրանից առաջ սիրիական հակամարտության շուրջ 17 հրադադարի ռեժիմները:
«Միացյալ նահանգները դարձյալ պատասխանատվություն են ստանձնել տարանջատել ընդդիմադիր խմբավորումներին, Մոսկվան՝ ստիպելու, որպեսզի Բաշար ալ-Ասադի վարչակարգը զերծ մնա ընդդիմության դեմ ռազմական գործողություններ իրականացնելուց»,-ասաց արաբագետը՝ նշելով, որ կարծես թե Մոսկվային հաջողվում է իրականացնել իր պարտավորությունները:
Ինչ վերաբերում է Միացյալ նահանգների ստանձնած պարտավորություններին՝ ծայրահեղական և ընդդիմադիր խմբավորումների տարանջատման՝ արաբագետն ասաց, որ այստեղ խնդիրը բավականին լուրջ է:
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
