Ձեր վստահելի աղբյուրը

«Obsis art» ընկերությունը  տարբեր քարերից պատրաստում է գեղարվեստական իրեր: Հիմնականում արտահանում են, սակայն այսօր շատ է բարդացել արտահանումը, մաքսային ձևակերպումները հոգնեցուցիչ են,- Panorama.am-ի հետ զրույցում ասաց ընկերության տնօրեն Լևոն Շահումյանը:

Նա նշեց, որ Հայաստանը փոքր շուկա է, այդ պատճառով աշխատում են հիմնականում արտահանման ուղղությամբ՝  դեպի ԵԱՏՄ տարածքի երկրներ:

«Նախկինում արտահանել ենք նաև ԱՄՆ, Եվրոպա, սակայն հետագայում փոխեցինք շուկան, հարմարվեցինք այս շուկային: Հիմա այստեղի շուկան սնանկացել է, բայց եվրոպական, ամերիկյան շուկաների հետ էլ չեմ կարողանում համագործակցել»,- ասաց Լ. Շահումյանը:

Միաժամանակ նա կարծում է, որ հիմնական խնդիրները կլուծվեն, եթե մաքսային օրենքները հստակեցվեն:

«Obsis art» ընկերության   արտադրանքը ներկայացված է «Արտադրված է Հայաստանում-2016» ցուցահանդեսում: Նշենք, որ սեպտեմբերի 19-22 ՀՀ էկոնոմիկայի նախարարության և Հայաստանի զարգացման հիմնադրամի կողմից  կազմակերպված  հայկական արտադրանքի մեծամասշտաբ ցուցադրությանը մասնակցում է 300-ից ավելի արտադրողներ և ծառայություն մատուցողներ։