Ձեր վստահելի աղբյուրը

«Նման հոբելյանները միշտ ծառայութում են որպես հաշվետվություն, որոնց ժամանակ տեսնում ենք թե ինչ ունենք, ինչի ենք հասել,  ապագայի համար ինչ հնարավորություններ կա»,-այսօր ՀՀ Գիտությունների ազգային ակադեմիայում ՀՀ ԳԱԱ Վիկտոր Համբարձումյանի անվան Բյուրականի աստղադիտարանի  հիմնադրման 70-ամյակին նվիրված միջազգային գիտաժողովի մեկնարկից առաջ լրագրողների հետ զրույցում ասաց Բյուրականի աստղադիտարանի տնօրեն Հայկ Հարությունյանը:

Նա նշեց, որ գիտաժողովի ժամանակ իր զեկուցման մեջ համառոտ ձևով կներկայացնի աստղադիտարանի 70-ամյա պատմությունը՝ ցույց տալով թե վերելքները, թե վայրէջքները, ինչպես նաև այսօրվա դրությունը. «Գիտաժողովը նաև հավաքել է մարդկանց, ովքեր կապ են ունեցել Բյուրականի աստղադիտարանի հետ և եկել են տեսնելու, թե ապագայում ինչպես են շարունակելու համագործակցությունը»:

Լրագրողների հարցին, թե ներկայամուս արդիականացման խնդիր ունի՞ աստղադիտարանը, թե՞ ոչ, Հ. Հարությունյանը պատասխանեց. «Արդիկանացումն այնպեսիս բան է, որ երբեք չի դադարում, այդ խնդիրը միշտ կա ու պետք է լինի, եթե չլինի, կնշանակի դու դադարում ես քայլել: Եվ Ինչպես Վիկտոր Համբարձույանն էր ասում՝ կարևորը չնմանակել ուրիշներին, գտնել սեփական ճանապարհը և այդ ճանապարհով համառորեն առաջ շարժվել»:

Գիտաժողովին ներկա Իտալիայի Բատովայի համալսարանի գիտնական  Մասիմո Տորադոն լրագրողների հետ զրույցում պատմեց,  որ ինքը բախտ է ունեցել հանդիպել Վիկտոր Համբարձումյանի հետ, Հայաստանում՝ Բյուրականի աստղադիտարանում էլ սովորել է Համբարձումյանի թեորիան:

«1994-ին առաջին անգամ այցելել եմ Բյուրականի աստղադիտարան, այնտեղ սովորել եմ Համբարձումյանի թեորիան, այնտեղ աշխատել և որոշակի արդյունքներ եմ գրանցել: Այս տարի նշվում է աստղադիտարանի հիմնադրման 70-ամյակը, ինչը մեծ իրադարձություն է: Արդեն 32 տարի է, ինչ հայերի հետ համագործակցում եմ և գիտական ծրագրեր ենք իրականացնում»,-ասաց իտալացի գիտնական:

Նշենք, որ գիտաժողովը կշարունակվի մինչև սեպտեմբերի 23-ը՝ Բյուրականի աստղադիտարանում: