Ձեր վստահելի աղբյուրը

«Հայփոստ Թրասթ Մենեջմենթ» ՓԲԸ-ն այսօր շրջանառության մեջ  է դրել 2 նամականիշ՝ նվիրված Հայաստանի Հանրապետության անկախության 25-ամյակին:

«Հայփոստ» ՓԲԸ-ի մամուլի ծառայության փոխանցմամբ, մարման պաշտոնական արարողությունը տեղի է ունեցել ՀՀ Նախագահի նստավայրում: Մարումն իրականացրել է  Հայաստանի Հանրապետության նախագահ Սերժ Սարգսյանը:

Նամականիշերը ունեն 200 և 300 ՀՀ դրամ անվանական արժեք, տպվել են Ֆրանսիայում՝ «Կարտոր» տպարանում:

200 դրամ անվանական արժեքով նամականիշի վրա պատկերված են «25-ամյակ» և «ԱՆԿԱԽՈՒԹՅՈՒՆ» գրառումները, ինչպես նաև  Հայաստանի Հանրապետության ծածանվող եռագույն դրոշը կապույտ երկնքի խորապատկերին՝ խորհրդանշելով երկրի 25-ամյա անկախությունը և պետականությունը:  

300 դրամ անվանական արժեքով նամականիշի վրա պատկերված է «25 ամյակ» գրառումը, որը կազմված է Երևան քաղաքի պատկերների կոլլաժի տեսքով՝ ցույց տալով նորանկախ պետության զարգացումը այս 25 տարիների ընթացքում:

Նամականիշերի դիզայնի հեղինակներն են «Հայփոստ Թրասթ Մենեջմենթ» ՓԲԸ կառավարող տնօրեն Խուան Պաբլո Գեչիջյանը և «Հայփոստ» ՓԲԸ-ի դիզայներներ Վահագն Մկրտչյանը և Դավիթ Դովլաթյանը:

Թողարկման օրը՝ 21 սեպտեմբեր, 2016թ.
Դիզայնը՝ Խուան Պաբլո Գեչիջյան, Վահագն Մկրտչյան
Անվանագինը՝ 200դր
Տպարանը՝ Cartor, Ֆրանսիա
Չափսերը՝ 40,0 x 30,0 մմ
Տպաքանակը՝ 50,000

Թողարկման օրը՝ 21 սեպտեմբեր, 2016թ.
Դիզայնը՝ Խուան Պաբլո Գեչիջյան, Դավիթ Դովլաթյան
Անվանագինը՝ 300դր
Տպարանը՝ Cartor, Ֆրանսիա
Չափսերը՝ 30,0 x 40,0 մմ
Տպաքանակը՝ 50,000: