Ձեր վստահելի աղբյուրը

Բնականաբար, փորձ ուսումնասիրվում է, բայց որևէ երկրում բանաձևեր, ունիվերսալ դեղատոմսեր կամ բոլոր խնդիրների համար դարման՝, հավատացնում եմ, չկա,- Ազգային ժողովում  «Կառավարության կառուցվածքի մասին» օրենքում փոփոխություն կատարելու մասին օրենքի նախագծի քնարկման ժամանակ ասաց արդարադատության նախարարի պաշտոնակատար Արփինե Հովհաննիսյանը՝  պատասխանելով պատգամավոր Թևան Պողոսյանի հարցին, թե արդյո՞ք ուսումնասիրվել է միջազգային փորձը կառավարության ձևավորման, անվանումների հետ կապված:

Ըստ Ա. Հովհաննիսյանի, կառավարության փոփոփոխությունն ընդամենը նոր մոտեցումների  մեկնարկ է,  նոր կառավարությունն այս տեսքով է տեսնում, այս անվանումներով՝ դրան համահունչ ուղարկելով որոշակի ազդակներ:

«Ընդամենը… Խորանալ, հասնել չգիտեմ մինչև ուր, չեմ կարծում, որ այդքան էլ  այս հարցի հետ առնչություն ունի»,- նշեց նախարարի պաշտոնակատարը: 

Ա. Հովհաննիսյանի խոսքով՝ կառավարության կառուցվածքային փոփոխությունը որևէ խնդրի լուծում չէ, ոչ էլ  խնդրի լուծման նախապայման: 

Մանրամասները՝ տեսանյութում: