Ձեր վստահելի աղբյուրը

Սաուդյան Արաբիայի թագավոր Սալման բեն Աբդել Ազիզ Ալ Սաուդը որոշում է կայացրել կրճատել է պետական ծառայողների աշխատավարձերը: Այս մասին հաղորդում է «Ռիա նովոստի»-ին` հղում անելով Սաուդյան լրատվական գործակալությանը:

Աղբյուրի փոխանցմամբ `միապետի կողմից արձակված մի քանի հրամանագրերի համաձայն՝ նախարարների աշխատավարձերը մասնավորապես կկրճատվեն 20 տոկոսով`իսկ պատգամավորներին տրվելիք  բոնուսները՝ շուրջ 15 տոկոսով:

Զգալիորոեն կպակասեն նաև պաշտոնյաներին տրվող արտոնությունները: Մասնավորապես, կացարանի և ավտոմեքենաների սպասարկման համար նրանց տրամադրվող միջոցները ևս կնվազեն 15 տոկոսով:

Աշխատավարձերի կրճատում սպասվում է ինչպես Սաուդյան Արաբիայի քաղաքացիներին, այնպես էլ թագավորությունում աշխատող օտարերկրացիներին:

Հատկանշական է, որ երկրի իշխանությունները առաջին անգամ են նման քայլի դիմում  աշխատող սաուդցիների թվի երկու երրորդը կազմող պետական ծառայողների հարցում:

Ծախսերի կրճատման հիմնական պատճառը նավթի ցածր գների հետևանքով եկամուտների կտրուկ նվազումն է:

Մեկ տարվա ընթացքում պետական ոլորտի աշխատողները չեն ստանա տարեկան պարգևավճարները:
Սույն որոշումը վերաբերում է նաև զինծառայողներին՝ բացառությամբ նրանց, ովքեր ծառայում են Եմենին սահմանակից շրջաններում: