Ձեր վստահելի աղբյուրը

Դորտմունդի «Բորուսիայի» գլխավոր մարզիչ Թոմաս Տուխելը Չեմպիոնների լիգայի խմբային փուլի 2-րդ տուրի հանդիպումից առաջ գնահատել է մադրիդյան «Ռեալի» ուժը։

«Մենք ուսումնասիրել ենք «Ռեալի» վերջին խաղերը, ֆուտբոլիստների խաղաոճը։ Բնականաբար, հասկանում ենք, թե որքան ուժեղ է «Ռեալը»։ Գարետ Բեյլը, Քրիշտիանու Ռոնալդուն ու Քարիմ Բենզեման ամենաբարձր մակարդակի ֆուտբոլիստներ են։ «Ռեալը», հավանաբար, աշխարհի ամենամեծ ակումբն է, ուստի մարզադաշտում հիանալի մթնոլորտ կլինի,- Տուխելի խոսքերը մեջբերել է xsport.ua-ն։ Շատ հեշտ է ասել, որ Ռոնալդուն լավ մարզավիճակում չէ, բայց ո՞վ է նման գնահատականներ տալիս։ Իրականում այդպե՞ս է։ Քրիշտիանուն աշխարհի լավագույն ֆուտբոլիստներից մեկն է, որն իր թիմին օգուտ է տալիս նույնիսկ սոսկ խաղադաշտում ներկայությամբ։ Մեծ խաղերը աստղերին միշտ ստիպում են ցուցադրել իրենց լավագույն խաղը, և մենք պատրաստվում ենք լավ մարզավիճակում գտնվող Ռոնալդուի հետ դիմակայությանը»։