Ձեր վստահելի աղբյուրը

«Դինգո թիմ» հասարակական կազմակերպության ներկայացուցիչներն այսօր կառավարության շենքի դիմաց էին հավաքվել իրենց որդեգրած շների հետ:

«Մեր այսօրվա հիմնական պահանջն է, որ պետությունը բյուջեից գումարներ չտրամադրի «Յունիգրաֆ Իքս» ընկերությանը, որը բացահայտ զբաղվում է կենդանիների սպանդով և տանջամահ անելով»,-ասաց ՀԿ-ի կամավոր Գոհար Մանուշակյանը:

Կենդանիներին առաջին բուժօգնություն ցուցաբերող ակտիվիստը նշեց, որ ընկերության կողմից վիրահատության ենթարկված շների փորերն իրենք բացել են, պարզվել է, որ բոլորն էլ հղի են, որևէ մեկը ստերիլիզացված չէ:

«Առանց նարկոզ փորը բացել են, սովորական թելով բլանդել: Իրենց գործիքները չեն ախտահանվում, ինֆեկցիոն հիվանդանոցների թագավորություն է»,-ասաց Գ. Մանուշակյանը:

Կառավարության շենքի դիմաց հավաքվածները պնդում են, որ անտուն կենդանիների հիմնախնդիրը լուծելու Հայաստանում եղել է և մնում է չլուծված: Այդ հարցով շարունակում են զբաղվել հարցից հեռու կառույցներ:

«Հիմա փորձում ենք նոր վարչապետի միջոցով հարցին լուծում տալ, մենք նաև օրենսդրական փաթեթ ենք ներկայացրել ԱԺ»,-ասաց նա:

Մանրամասները՝ տեսանյութում: