Ձեր վստահելի աղբյուրը

Սիրիահայ համայնքը ճգնում է շարունակել իր բնականոն կյանքը: Սփյուռքի նախարարությունն ամենօրյա կապի մեջ է Հալեպում Հայաստանի հյուպատոսության հետ:

Լրագրողների հետ հանդիպմանն այսօր հայտարարեց ՀՀ սփյուռքի փոխնախարար Սերժ Սրապիոնյանը:

«Արտաքին գործերի և Սփյուռքի նախարարություններն այսօր բոլոր խնդիրներից առավել կարևորում են սիրիահայերի խնդիրը, մեր սուղ միջոցներով փորձում ենք մեղմել այն հարվածները, որ ստանում է Սիրիայի հայ համայնքը»,-ասաց նա, ավելացնելով, որ շուտով Հալեպ կմեկնեի հումանիտար օգնություն տեղափոխող երկրորդ օդանավը:

Հարցին, թե ինչու Հայաստանի կառավարությունը ձենամուխ չի լինում Սիրիայում մնացած հայերի գոնե ժամանակավոր դուրսբերմանն ու Հայաստան տեղափոխմանը, Սրապիոնյանը պատասխանեց, այնքան էլ հեշտ չէ տեղափոխման կազմակերպումը:

«Սիրիայի Հանրապետության քաղաքացի հանդիսացող հայերն ունեն բազմաթիվ պարտականություններ այդ երկրի նկատմամբ, թեկուզ զինապարտության, բանկային ինչ-ինչ խնդիրներ և այլն: Ամենից առաջ մարդն ինքը պետք է ցանկանա գալ: Ես տեղյակ եմ Գալստյանի բաց նամակին, որ ցանկանում է գալ Հայաստան: Բայց մենք չենք կարող գնալ, վերցնել, բերել: Դա լուրջ տարաձայնություններ կառաջացնի երկու պետությունների միջև»,-ասաց նա:

Փոխնախարարի խոսքի մանրամասները՝ տեսանյութում: