Ձեր վստահելի աղբյուրը

Այսօր Ազգային ժողովում կառավարության հետ հարց ու պատասխանի ժամանակ ԱԺ ՀՅԴ խմբակցության պատգամավոր Կարեն Շահմուրադյանը հարց ուղղեց վարչապետին՝ ասելով, թե նա հայտարարել է, որ պետական համակարգում պետք է ընդգրկվեն բարձր որակավորում ունեցող մասնագետներ, ինչը ողջունելի է:

«Բայց այդ մարդիկ հիմնականում աշխատում են մասնավոր հատվածում՝ ստանալով բարձր աշխատավարձ: Այդ դեպքում ինչպե՞ս է կառավարությունը պատրաստվում հրապուրել մասնավոր հատվածում առավել բարձր աշխատավարձով աշխատող պրոֆեսիոնալ կադրերին և նրանց բերել պետական համակարգ»,- հարցրեց պատգամավորը:

Վարչապետ Կարեն Կարապետյանը պատասխանեց. «Պայմանավորվել էինք, չէ՞, անկեղծ խոսել: Չգիտեմ, իրոք՝ չգիտեմ: Պետք է մեջներից ընտրենք այն մարդկանց, ովքեր միսիա են տեսնում: Եւ այս պահին խոսել պետական ծառայողի աշխատավարձի բարձրացման մասին, երբ բազմաթիվ չլուծված խնդիրներ կան՝ ճիշտ չի լինի»,- ասաց վարչապետը՝ հավելելով, որ  վաղ թե ուշ այդ հարցին անդրադառնալու են:

«Հակառակ դեպքում, մենք չենք ունենալու որակյալ կառավարիչներ, դա իրականում խնդիր է», - ասաց վարչապետը: