Նաիրա Զոհրաբյան. Ընտրակեղծարարությունը շատ ավելի է կատարելագործվում

Քաղաքական 13:46 05/10/2016 Հայաստան

Նաիրա Զոհրաբյան. Ընտրակեղծարարությունը շատ ավելի է կատարելագործվում

«Ես չէի գերագնահատի ԿԸՀ դերը ընտրությունների պատասխանատվության գործում: Ով կլինի այնտեղ նստած՝ մեզ համար մեծ առումով ոչինչ չի փոխում, քանի դեռ երկրում ընտրական գործընթացի անցկացման խաղի կանոնները չեն փոխվել»,- Ազգային ժողովում Կենտրոնական ընտրական հանձնաժողովի նախագահի ընտրության հարցի քննարկման ժամանակ ասաց ԲՀԿ խմբակցության ղեկավար Նաիրա Զոհրաբյանը:

Ըստ նրա, հոկտեմբերի 2-ին Գյումրիում, Վանաձորում կայացած հերթական ՏԻՄ ընտրություննեը ցույց չտվեցին, որ ընտրական արատավոր համակարգը շեղվում է դեպի բնականոն ընթաց:

«Միգուցե ընտրակեղծարարության մեխանիզմները շատ ավելի հանդարտ են դառնում, աննկատ, բայց դա չի խոսում այն մասին, որ ընտրակեղծարարությունն է պակասում, այլ խոսում է հակառակի մասին, որ ընտրակեղծարարությունը շատ ավելի է կատարելագործվում»,- նշեց Ն. Զոհրաբյանը:

Ըստ նրա, իրական քվեի համար պետք է ուժեղ կուսակցություն, համախմբած թիմ, ուժեղ կուսակցական կառույցներ, ամենօրյա աշխատանք քաղաքացիների հետ, ոչ թե ընտրությունից երեք օր առաջ Ֆեյսբուքում ծավելել քարոզչություն, ընտրության օրը երևալ այնտեղ և սեփական պարտությունը բարդել ժողովրդի վրա:

Խոսելով ԿԸՀ նախագահի թեկնածուի և անդամների մասին, Ն. Զոհրաբյանն ասաց, որ իրենք առանձին-առանձին են քվեարկելու, քանի որ կան ԿԸՀ անդամների թեկնածուներ, որոնց վերաբերյալ ունեն դրական դիրքորոշում, կան թեկածուներ, որոնց վերաբերյալ բացասական, իսկ որոշների վերաբերյալ դիրքորոշում դեռ չունեն:

«ԲՀԿ-ն կքվեարկի ազատ՝ հաշվի առնելով յուրաքանչյուր թեկնածուի կատարած աշխատանքը»,- հավելեց ԲՀԿ խմբակցության ղեկավարը:

Մանրամասները՝ տեսանյութում:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: