Ձեր վստահելի աղբյուրը

Ազգային ժողովի Դաշնակցություն խմբակցության ղեկավար Արմեն Ռուստամյանը աննախադեպ համարեց խորհրդարանի միջոցով Կենտրոնական ընտրական հանձնաժողով ձևավորելու փաստը:

«Հերթական անգամ կատարում ենք աննախադեպ քայլ, պատմության մեջ առաջին անգամ  Կենտրոնական ընտրական հանձնաժողովը ձևավորվում ենք նոր կարգով՝ Ազգային ժողովի միջոցով: Այս կարգն արդեն կյանքի կոչելով՝ կամաց-կամաց հասնելու ենք այն արդյունքին, որին ձգտում ենք՝ անկախ ընտրական համակագ»,- Ազգային ժողովում ԿԸՀ  անդամների ընտրության քննարկման ժամանակ ասաց ՀՅԴ խմբակցության ղեկավար Արմեն Ռուստամյանը:

Նրա խոսքով, ԿԸՀ-ն պետք է կազմակերպի ընտրությունները և վերահսկի դրանց օրինականությունը:

«Այս ձևավորվող մարմինը՝ Կենտրոնական ընտրական հանձնաժողովը, ունի շատ մեծ առաքելություն. նա պետք է կարողանա վերականգնել սասանված հավատը մեր ընտրությունների նկատմամբ: Նա պետք է կարողանա իսկապես ձևավորել ժողովրդավարական ընտրությունների ավանդույթ Հայաստանում», -հայտարարեց Ռուստամյանը:

Կոալիցիոն դաշնակցության պատգամավորը ներկայացրեց, որ իրենք կողմ են նոր ԿԸՀ-ն ներկայացնող անդամներին իրենք կողմ են եղել դեռ ԱԺ պետա-իրավական հանձնաժողովում և ԿԸՀ անդամների պրոֆեսոնալության վրա չեն կասկածում:

«Նրանք դառը փորձառություն ունեն, քննադատությունների թիրախ են հանդիսացել, այո, հաճախ նաև արդարացի: Ընտրական պրոցեսից քաջատեղյակն ու գիտակը հենց այս յոթ հոգին են: Ու մենք հենց այդ հավատով ենք վստահում նրանց կատարել այդ անցումը՝ հին համակարգից դեպի նոր համակարգ: Նրանք պետք է կատարեն, որովհետև շատ քիչ ժամանակ է մնացել, քանի որ եկող տարվա գարնանը պետք է կատարենք համապետական ընտրություն, իսկ դրա համար շատ քիչ ժամանակ է մնացել: Եվ ուրեմն, ինչպես ասում են՝ գետանցին ձիերը չեն փոխում տարբերակով վստահել իրենց», -հայտարարեց Ռուստամյանը:

Նա հիշեցրեց, որ Սահմանադրությամբ հնարավորություն է տրվում նոր Ազգային ժողովին հետ կանչել ԿԸՀ-ին, եթե այդ հանձնաժողովն իրեն չարդարացնի ընտրական գործընթացի ժամանակ: 

Ա.Ռուստամյանի խոսքով՝ ընտրական գործընթացներն այնքան բարդ են, որ մեկ մարմնով պայմանավորել, որ տեղի կունենան ժողովրդավարական բարձր մակարդակի ընտրություններ, անիմաստ են, կարևոր է քաղաքական ուժերի պատասխանատվությունը, դերակատարությունը:

Մանրամասները՝ տեսանյութում: