Ձեր վստահելի աղբյուրը

«Մենք հասկանում ենք, որ հետաքննություններն անհրաժեշտ են Թուրքիայում բազմաթիվ զոհերով  հեղաշրջման փորձից հետո  և չպետք է մոռանանք նրանց»,-այսօր Եվրոպայի խորհրդում գլխավոր քարտուղար Թորբյորն Յագլանդի հետ հանդիպումից հետո տեղի ունեցած մամլո ասուլիսում ասաց  Գերմանիայի ԱԳ նախարար Ֆրանկ-Վալտեր Շտայնմայերը։

Շտայնմայերը շնորհակալություն հայտնեց ԵԽ գլխավոր քարտուղարին այն կարևոր դերի համար, որ խաղում է ԵԽ-ն Եվրոպայում և Եվրոպայի շուրջ ճգնաժամերում, ով առաջինն էր նաև, որ համագործակցեց Թուրքիայի հետ հեղաշրջման փորձից հետո։

«Մենք ապրում ենք դժվարին ժամանակներում, աշխատում ենք բազում մարտահրավերի դեմ։ Գերմանիան շարունակում է  աշխատել Ուկրաինայի իրավիճակի շուրջ։ Մենք առաջ ենք գնում շատ դանդաղ՝ միլիմետրներով։ Չկա պատճառ բավարարված կամ լավատես լինելու համար, սակայն մենք իսկապես փորձում ենք կայունացնել հրադադարը:Ներկայումս աշխատում ենք այսպես ասած քաղաքական փաթեթի իրականացման վրա։ Շատ դժվար է, սակայն ես չեմ կարող տեսնել այլընտրանք»,-ասաց Շտայնմայերը։

ԵԽ գլխավոր քարտողարը նշեց, որ Գերմանիայի արտաքին գործերի նախարար Ֆրանկ-Վալտեր Շտայնմայերի հետ քննարկել են Թուրքիայում տիրող իրավիճակը՝ նշելով, որ ներկայիս իրավիճակում շատ կարևոր է Մարդու իրավունքների եվրոպական դատարանի դերը, քանի որ բոլոր նրանք, որոնց վրա ազդել են իրականացված գործողությունները, իրավունք ունեն դիմելու Թուրքիայի դատարան, որը պարտավորված է որոշումները կայացնել հենվելով Կոնվենցիայի վրա, որից հետո կարող են դիմել նաև Ստրասբուրգ՝ ՄԻԵԴ։

Յագլանդը ևս կարևորեց Գերմանիայի դերը՝ որպես Ուկրաինայի հարցով Մինսկի գործընթացի մասնակից։