Սիրիայի նախագահը բացահայտել է Էրդողանի քայլերը, գաղափարները, ծրագրերը
Սիրիայի նախագահ Բաշար Ասադը նախազգուշացրել է Սիրիայի համար գլոբալ վտանգի մասին: Նրա խոսքով, աշխարհում ստեղծված ներկա իրավիճակը նման է զարգացման փուլում գտնվող նոր սառը պատերազմի:
«Նախ եթե խոսում ենք խնդրի մասին, ապա պետք է խոսել այն ծնող պատճառի մասին, իսկ դա ահաբեկչությունն է: Մենք կարող ենք լուծել խնդիրը: Որովհետև խնդիրն այն չէ, թե ինչպիսի երկրներ են մտնում մեր երկրի գործերի մեջ, այլ այն է, թե ինչպիսի երկրներ են աջակցում ահաբեկիչներին:
Ռուսաստանը, Իրանը և Հզբոլահը մեր համախոհներն են և նրանց ներկայությունն այստեղ իրավական հիմքեր ունի, ակնհայտ է, բայց կան երկրներ, որոնք միջամտում են հենց ահաբեկիչներին աջակցելու նպատակով: հարցը խաղացողների թիվը չէ, այլ հենց ահաբեկչությունը: Այժմ մի այնպիսի իրավիճակ է ստեղծվել, որը զարգացման փուլում գտնվող սառը պատերազմ է հիշեցնում: Կարծում եմ Արևմուտքը և հատկապես ԱՄՆ-ն չեն կանգնեցրել սառը պատերազմը անգամ նույնիսկ ԽՍՀՄ-ի փլուզումից հետո», -«Комсомольская правда»-ին տված հարցազրույցում ասել է Սիրիայի նախագահը:
Նրա խոսքով, իրենք տեսնում են հակամարտության էսկալացիա, բայց դրա գլխավոր նպատակը աշխարհի նկատմամբ ամերիկյան հեգեմոնիայի պահպանումն է, թույլ չտալ որևէ մեկին դառնալ գործընկեր միջազգային ասպարեզում:
«Այդ պատճառով ես ասում եմ որ սա պատերազմի հոտ է, որը ինչպես դուք նկարագրեցիք (նկատի ունի հարցը տված լրագրողին) երրորդ համաշխարհային պատերազմի է նման, օդում զգացվում է, բայց դա դեռ ուղիղ ռազմական բախում չէ, թեպետ կա ահաբեկչական, ռազմական բաղադրիչ: Այնպես որ դուք ճիշտ եք զգում, սակայն Սիրիան այդ պատերազմի միայն մի մասն է», -երրորդ համաշխարհային պատերազմի հնարավորության մասին հարցին ի պատասխան ասել է Բաշար Ասադը:
Հարցին, թե Սիրիան ունի նավթ, որն ունի նաև Սաուդյան Արաբիան, ինչո՞ւ ընտրվեց հենց Սիրիան, Ասադը պատասխանել է, որ դրա համար կան մի քանի ասպեկտներ, օրինակ Սիրիան տարածաշրջանում Իրանի հետ լավ հարաբերություններ ունի, իսկ Սաուդյան Արաբիան ցանկանում է ամբողջությամբ վերացնել Իրանին:
«Այդ պատճառով նրանք ուզում են, որ Սիրիան թիկունքով կանգնի Իրանին: Ես իրավիճակին այդպես եմ նայում: Արևմուտքը հետևելով Սիրիայի և Ռուսաստանի միջև երկարամյա համագործակցությանը, խաղադրույքներ է անում այն բանի վրա, որ Սիրիայի ոչնչացումը բացասաբար կազդի նաև Ռուսաստանի վրա: Բայց կա Սիրիայի պատմական նշանակությունը. Դեռ եգիպտական փարավոնների ժամանակներից Սիրիայի վրա ազդեցությունը շատ կարևոր է եղել նրանց համար, քանի որ Սիրիան Միջերկրական ծովում շատ լավ դիրք ունի և այստեղով անցնում է տարբեր մշակույթների միջև գիծը: Ահա այդ պատճառով էլ Սիրիայի վրա ազդեցությունը նշանակում է ազդեցություն ամբողջ տարածաշրջանում», -հավելել է Ասադը:
Այս պատերազմում Թուրքիայի դերի վերաբերյալ հարցին ի պատասխան Սիրիայի նախագահն ասել է, որ Թուրքիայի կողմից այս ամենին խառնվելը ներխուժում է համարվում ու շարունակել. «Այդ ներխուժումը միջազգային օրենքներին, բարոյական նորմերին ու Սիրիայի ինքնուրույնությանը հակասում էր: Թուրքերը դիմակավորում են իրենց իրական մտադրությունները և փորձում են մաքրել իրար, քանի որ աջակցում են ԻՍԻՍ-ին ու Ան-նուսրուին»:
Լրագրողը շարունակել է, թե ի՞նչ է կարծում այժմ Թուրքիան չի՞ աջակցում, Ասադը պատասխանել է. «Ոչ, նրանք մինչև այժմ շարունակում են աջակցել, բայց նրանք եկան այս խոսքերով՝ «Մենք պայքարում ենք ԻՍԻՍ-ի դեմ»:
Լրագրողի դիտարկմանը, թե ծիծաղելի է, որ Թուրքիան հայտարարում է, թե պայքարում է ԻՍԻՍ-ի դեմ այն դեպքում, երբ հենց իրենք էլ ստեղծել են այդ կազմակերպությունը, Ասադը արձագանքել է.
«Միանշանակ ճիշտ եք: Նրանք ստեղծել են «Իսլամական պետությունը», օգնել, աջակցել նրանց և թույլ տվել նրանց Էրդողանի որդու ու նրա մերձավոր շրջապատի մասնակցությամբ վաճառել մեր նավթը իրենց տարածքով: Նրանք բոլորը ԻՍԻՍ-ին մասնակից են: Ամբողջ աշխարհը գիտի այդ մասին: Բայց Սիրիայի վրա նոր հարձակման հետ կապված նրանք խոսեցին նոր մեռած ուժերի մասին, որոնք իրականում նույն արմատներն ունեն, ինչ ԻՍԻՍ-ը: Թուրքերը վստահեցնում են, որ հաղթել են ԻՍԻՍ-ին իրենց ռմբակոծությունների, զինված ուժերի օգնությամբ:
Բայց իրականում նրանք ուղղակի վերահսկողությունն են փոխանցում ԻՍԻՍ-ից այն ուժերին, որոնց հենց իրենք են աճեցրել: Դա ուղղակի խաղ է աշխարհի համար: Էրդողանի նպատակը Սիրիայում Ան-Նուսրուին աջակցելն է, և Էրդողանը ցանկանում է իր դերը ունենալ Սիրիայի ապագայի համար և կարևոր չէ՝ ինչպիսի դեր է: Նա զգում է, որ վերջին տարիներին ԻՍԻՍ-ի պատճառով գտնվել է մեկուսացման մեջ:
Էրդողանի գաղափարախոսությունը Մահմեդական եղբայրների գաղափարախոսության խառնուրդն է՝ ծայրահեղականությամբ ու բռնություններով և նոր Սուլթանատ ստեղծելու երազանքներով: Այս երկու գաղափարներով նա մտադիր է վերականգնել տարածաշրջանում իր վերահսկողությունը: Ահա այդ պատճառով էլ նա աջակցում է Մահմեդական եղբայրներին ցանկացած երկրում, այդ թվում՝ Սիրիայում»
