Շատ թանկ կնստի սփյուռքի վրա սիրիահայ համայնքի կորուստը. Ա.Նավասարդյան

Քաղաքական 14:43 14/10/2016 Հայաստան

Շատ թանկ կնստի սփյուռքի վրա սիրիահայ համայնքի կորուստը. Ա.Նավասարդյան

«Հալեպում վճռվում է Սիրիայի հետագա ճակատագիրը: Հալեպահայության վիճակն օրհասական է: Այնտեղից եկած մարդիկ ասում են, որ Հալեպում 4-5000 հայ է մնացել»,- լրագրողների հետ հանդիպմանն ասաց Հայաստանի հայ-ռուսական սլավոնական համալսարանի քաղաքական և միջազգային հարաբերությունների ամբիոնի վարիչ Արման Նավասարդյանը:

Ըստ նրա, Հայաստանը հայտարարությունը, որ պատրաստ է բոլորին ընդունել, մի փոքր ուշ արված հայտարարություն է:

«Այսօր համայնքն էլ երկընտրանքի մեջ է՝ մի մասն ուզում է գալ, մի մասը՝ ոչ: Տեսենք՝ ինչպես կզարգանան դեպքերը, ինչպիսին կլինի այդ ֆոնի վրա հայկական համայնքի վիճակը: Բայց կորցնել սիրիահայությունը, այդ համայնքը, շատ թանկ կնստի մեր սփյուռքի վրա»,- ասաց Ա.Նավասարդյանը:

Հայաստանի հայ-ռուսական սլավոնական համալսարանի քաղաքական և միջազգային հարաբերությունների ամբիոնի վարիչի կարծիքով, այսօր սառը պատերազմը մտել է թեժ փուլ, շրջան: Միջազգային հարաբերություններում Կարիբյան ճգնաժամից հետո սիրիական ճգնաժամը համարում է ամենասուր պահերից մեկը: Միաժամանակ նա նշեց, որ Սիրիայի նախագահ Ասադի հայտարարությունը, թե պատերազմի հոտ է գալիս, չափազանցություն է: Ա. Նավասարդյանի կարծիքով, ԱՄՆ նախագահ Բ. Օբաման, ով ցանկանում է հեռանալ որպես Նոբելյան մրցանակի դափնեկիր, չի գնա բախման, որովհետև հակառակ դեպքում ՌԴ-ն անպայման կպատասխանի:

«Թե ինչպես կզարգանան ռուս-ամերիկյան հարաբերությունները շատ բան կախված է նրանից, թե ինչպես կընթանան ընտրությունները»,- ասաց նա:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: