Ձեր վստահելի աղբյուրը

Ինչպես երևում է, «Կարմիր սատանաների» ավագ Ուեյն Ռունին այլևս ակումբի երկարաժամկետ ծրագրի մասնիկը չէ, քանզի «Մանչեսթեր Յունայթեդը» պատրաստվում է նրա դիրքի համար գնել «Ատլետիկոյի» հարձակվող Անտուան Գրիզմանի տրանսֆերը։

Ինչպես տեղեկացնում է isport.ua-ն, Գրիզմանի հետ պայմանագիր ստորագրելուց հետո «Մանչեսթեր Յունայթեդը» կազատվի իր ավագից՝ Ուեյն Ռունիից։ Մրցաշրջանում անհաջող մեկնարկից հետո վերջինս կորցրել է տեղը հիմնական կազմում, և այժմ «ՄՅու»-ն այլևս հույսեր չի կապում իր երբեմնի գոլահարի հետ։

Ներկա պահին Գրիզմանի տրանսֆերի գնումը հեշտ գործ չէ, քանզի նա չի ցանկանում հեռանալ Մադրիդից՝ մտադրվելով մրցանակներ նվաճել իր այժմյան թիմի կազմում։ Այդուհանդերձ, Դիեգո Սիմեոնեի՝ «Ատլետիկոյի» գլխավոր մարզչի պաշտոնից հեռացումը կարող է հանգեցնել այն բանին, որ ֆրանսիացի հարձակվողը նույնպես ցանկանա փոխել ակումբային գրանցումը։

Եթե Գրիզմանը որոշի հեռանալ Մադրիդից, «Մանչեսթեր Յունայթեդն» ամեն բան կանի՝ նրա տրանսֆերին տիրանալու համար։ Պոլ Պոգբայի հետ կատարված վերջին իրադարձությունը ևս մեկ անգամ ապացուցում է, որ բարձրակարգ ֆուտբոլիստներին հրավիրելու համար «Մանչեսթեր Յունայթեդը» պատրաստ է շատ մեծ գումարներ ծախսել։

Սպասվում է, որ Անտուանի հետ պայմանագրի ստորագրումից հետո Ռունիին կթույլատրվի ազատ տեղափոխվել մեկ այլ ակումբ։ Հնարավոր տարբերակներ են Չինաստան կամ ԱՄՆ տեղափոխությունը։