Ձեր վստահելի աղբյուրը

Թատերական արվեստն առանց փառատոնի չի կարող շարժվել առաջ: Թատերական արվեստը Երևանում, Աստծուն փառք եմ տալիս, որ դեռ դիմանում է, կարողանում է  շարունակել շնչել: Պետք է թատերական արվեստին ավելի շատ տեղ տալ,-  լրագրողների հետ հանդիպմանն ասաց ՀՀ վաստակավոր արտիստ Արմեն Մարությանը:

Հայաստանի թատերական գործիչների միության քարտուղար Սոնա Մելոյանի խոսքով՝ կան մի շարք եվրոպական փառատոները, որոնց չափանիշներին հայկական ներկայացումները համապատասխանում են, կարող են դրանց մասնակցել, սակայն ավիատոմսեր ձեռք բերելու համար գումար չունեն:

«Երեք հոգանոց թատերախումբ ուղարկելն արդեն խնդիր է»,- բացատրեց թատերական գործիչների միության քարտուղարը:

Խոսելով հայ հանդիսատեսի մասին, բանախոսների կարծիք հայտնեցին, թե այն  կրթվելու անհրաժեշտություն ունի:

«Մեր հանդիսատեսը թատրոնի նոր լեզուն շատ դժվար է հասկանում»,- նշեց Ս.Մելոյանը:

Ըստ Ա.Մարությանի, ընկնելով պահանջարկի հետևից՝ մոռանում են բարձր արվեստը.  «Այսօր հանդիսատեսին ոչ թե ասում ենք գնացեք թատրոն, այլ հեռվացնում ենք թատրոնից՝ մեր արած մեյմունություններով»: