Ձեր վստահելի աղբյուրը

«Այստեղ հայտարարություններ եղան՝ մեղավոր է Սահմանադրությունը, մեղավոր են բոլորը, բացի մեզանից:  Այս վիճակից եթե դուրս չգանք, ոչ մի տեղ էլ չենք հասնի»,- Ազգային ժողովի արտահերթ նիստում Ընտրական օրենսգրքում փոփոխություններ և լրացումներ կատարելու մասին օրինագծի քննարկման ժամանակ ասաց ՀՅԴ խմբակցության ղեկավար Արմեն Ռուստամյանը:

Նա նշեց, որ իրենք այն քաղաքական ուժն են, որ խոսել են Գյումրիում, Վանաձորում կայացած ընտրությունների ժամանակ ունեցած իրենց բացթողումների մասին:

«Միգուցե պարզ հարցի պատասխանեք՝ ինչպես եղավ ընդդիմությունը մեծամասնություն ունենալով ընդդիմության մեծամասնությունը չվերածվեց ընդդիմադիր ավագանիների մեծամասնության: Սրա մասին պետք է խոսել: Գյումրիում համաձայն եմ, օրենսգիրքը տեղ թողում է: Այդ բոնուսը պետք է վերացվի: Դրան դեմ եմ եղել սկզբից էլ: 

Սակայն այն, ինչ դրական է, գոնե պետք է փայփայենք, պահենք: Համարում եմ, որ հենց Սահմանադրության առաջին քննությունը դրական, պոզիտիվ արդյունք է արձանագրել, առնվանզ այն, ինչ կա՝ ընդդիմությունն իշխանափոխության հնարավորություն է ունեցել առնվազն Վանաձորում: Այդ հնարավորությունը տվել է այս փոփոխությունը: Ինչպես եղավ, որ այս հնարավորությունը չօգտագործվեց:  Տարբեր  պատճառներ կան»,- ասաց պատգամավորը: 

Արմեն Ռուստամյանի ելույթն ամբողջությամբ՝ տեսանյութում: