Ձեր վստահելի աղբյուրը

«Ընտրական օրենսգրքի նախագծի շուրջ քննարկումները, իսկապես աննախադեպ էին իրենց երկարատևությամբ, ֆորմատներով, մի քանի փուլ անցնելով»,- Ազգային ժողովի արտահերթ նիստում Ընտրական օրենսգրքում փոփոխություններ և լրացումներ կատարելու մասին օրինագծի քննարկման ժամանակ ասաց պատգամավոր Թևան Պողոսյանը:

Նրա խոսքով՝ Ընտրական օրենսգիրը պետք է նկարագրի ընտրական համակարգի հարցեր, Ընտրական օրենսգիրը պետք է հիմա ծառայի Սահմանադրության այն գլխավոր փոփոխություններին, որ այսուհետ Հայաստանի զարգացումը լինելու է քաղաքական օրակարգով, նպաստելու է քաղաքական կուսակցությունների զարգացմանը, դրանով առաջ է տարվելու երկրի զարգացումը:

«Գործիք, որով պետք է տեղի ունենար, Ընտրական օրենսգիրքն էր,  որը պետք է ապահովեր քաղաքական տեսալականների գոյությունը կամ ձևավորումը: Ցավոք սրտի,ըստ իս, այս նախագիծն այլ բանի մասին է: Նրա մասին է, որ ժողովուրդ, մեր երկրի զարգացումը ոնց որ թե պետք է ընթանա անհատ շարժիչների միջոցով,  մարդիկ, ովքեր կարող են ազդեցություն ունենալ որևէ տեղ և միայն այդ անհատներով, ովքեր բուն իմաստով կլինեն առաջնորդի  կարգավիճակում, իրենցով ենք մենք առաջ գնալու: Քաղաքական դիսկուրսը, գաղափարախոսությունը, որը պետք է հիմք ծառայի կուսակցությունների համար, այս օրենսգրքով իսպառ վերացվել է»,- ասաց պատգամավորը:

Իր ելույթի վերջում Թևան Պողոսյանն ասաց. «Հողը թեթև լինի այս օրենսգրքին և մեր ընտրական համակարգին»:

Պատգամավորի ելույթն ամբողջությամբ՝ տեսանյութում: