Ձեր վստահելի աղբյուրը

Ազգային ժողովի արտահերթ նիստում Ընտրական օրենսգրքում փոփոխություններ և լրացումներ կատարելու մասին օրինագծի քննարկման ժամանակ պատգամավոր Խաչատուր Քոքոբելյանը մանրամասն ադրադարձավ 9-րդ հոդվածի 18 կետին:

«Ուղղակի շանտաժ է, ոչ ավելի, ոչ պակաս, բողոքարկման ինստիտուտը վերացնելու հետ է կապված: Սա լուրջ նահանջ է ժողորդավարության առումով»,- ընդգծեց նա:
Ըստ Խ. Քոքոբելյանի,  ստացվում է այնպես, որ եթե վստահված անձը նկատում է կրկնաքվեարկության, բողոքելուց առաջ պետք է մտածի, քանի որ կարող են այնպես վարվել, որ 2-3 տարի ազատազրկվի:

«Մատի փաթաթան եք դարձրել 4+4+4 ձևաչափը, հո կրակը չենք ընկել 4+4+4 ձևաչափի ձեռքը: Ամեն ինչին հղում եք անում դեպի ընդդիմություն: Ես ինչքան իմացա, այդ համաձայնագրի մեջ նման բան չկա գրված»,- ասաց պատգամավորը:

Խ. Քոքոբելյանը նշեց, որ եթե ընդունվի այս կետը, բողոքարկելու է ՍԴ-ում, այս խնդրի հետ կատակ չպետք է անել:

«Խնդրում եմ՝ գոնե այս կետն առնվազն հանվի»,- ասաց պատգամավորը:

Խ. Քոքոբելյանի ելույթն ամբողջությամբ՝ տեսանյութում: