Ձեր վստահելի աղբյուրը

«Ես խնդրում եմ՝ հանգիստ թողեք Վանաձորի, Գյումրիի քաղաքապետերին, այստեղի մթնոլորտը մի տեղափոխեք այնտեղ:   Թողեք այդ մարդիկ, ավագանու անդամները գնան ու զբաղվեն իրենց քաղաքական գործունեությամբ, - Ազգային ժողովի արտահերթ նիստում Ընտրական օրենսգրքում փոփոխություններ և լրացումներ կատարելու մասին օրինագծի քննարկման ժամանակ ասաց ՀՀԿ խմբակցության ղեկավար Վահրամ Բաղդասարյանը:

Նրա խոսքով՝ մեկ ժամվա, մեկ օրվա, մեկ ամսյա «քաղաքական ամուսնությամբ» չեն կարող խաբել հանրությանը, ժողովրդին մոլորության մեջ գցել:

«Խնդրում եմ՝ քաղաքական աղտոտված ձեռքերը հեռու պահել լոռեցիներից, լոռեցիներին պիտակներ մի տվեք, չի կարելի այդ մարդկանց պիտակավորել: Այդ մարդիկ գիտեն իրենց գործը»,-  նշեց պատգամավորը:

Նա ասաց, որ Վանաձորում դեռևս նախընտրական պրոցեսների ժամանակ ԲՀԿ-ն, «Լուսավոր Հայաստան»-ն ու «Հայկական վերածնունդ»-ը մեկը մյուսի հասցեին  հայհոյանքներ էին հնչեցում, այնուհետև մեկ գիշերվա մեջ որոշեցին ամուսնանալ: 

Վահրամ Բաղդասարյանի ելույթն ամբողջությամբ՝ տեսանյութում: