Ձեր վստահելի աղբյուրը

Այս համաձայնագիրը երկու ազդեցություն կտա՝ դրական և բացասական,- Ազգային ժողովի արտահերթ նիստում «2015 թվականի դեկտեմբերի 2-ին Մոսկվայում ստորագրված «Հայաստանի Հանրապետության` «Եվրասիական տնտեսական միության շրջանակներում դեղամիջոցների շրջանառության միասնական սկզբունքների և կանոնների մասին» 2014 թվականի դեկտեմբերի 23-ի համաձայնագրին միանալու մասին» արձանագրության վավերացման հարցի քննարկմանն ասաց  պատգամավոր, առողջապահության, մայրության և  մանկության հարցերի մշտական հանձնաժողովի նախագահ Արա Բաբլոյանը:

Ըստ նրա, դրական ազդեցությունը կլինի երկարատև, ժամանակի ընթացքում կընդլայնվի, կամրապնդվի, բացասական ազդեցությունը կլինի կարճատև:

«Շատ կարևոր է մեր աշխատանքը, թե ինչքանով մենք կկարողանանք ազդել, որպեսզի այն քաղաքականությունը, այն իդեալոգիան, որ դրել ենք նոր օրենքի մեջ, կարողանանք անցկացնել ընդհանուր կանոնների մեջ»,- ասաց նա:

Ա. Բաբլոյանի խոսքով՝ այս համաձայնագիրը կտա երկու դրական ազդեցություն՝ միանշանակ տեղի կունենա գների իջեցման պրոցես, տեղի խաղացողները պետք է ենթարկվեն շուկայի օրենքներին, բարձրորակ դեղարտադրողները հնարավորություն կունենան դուրս գալ համաձայնագրի մասնակից երկրները:

Մանրամասները՝ տեսանյութում: