Ձեր վստահելի աղբյուրը

«Ընտրական օրենսգրքի շուրջ առաջացած խնդիրը քննարկում ենք, բայց դեռ համաձայնության չենք եկել: Այն խնդիրը, որի մասին վարման կարգով խոսեց Գագիկ Ջհանգիրյանը, դեռ լուծված չէ»,- Ազգային ժողովում լրագրողների հետ ճեպազրույցում ասաց  ՀԱԿ խմբակցության ղեկավար Լևոն Զուրաբյանը:

ԱԺ նիստից հետո, որի ժամանակ քվեարկության դրվեց և առաջին ընթերցմամբ ընդունվեց «Հայաստանի Հանրապետության ընտրական օրենսգրքում փոփոխություններ և լրացումներ կատարելու մասին»  օրինագիծը,  ԱԺ պետաիրավական հանձնաժողովում կայացել է քննարկում ԱԺ խմբակցությունների ղեկավարիների մասնակցությամբ ԸՕ շուրջ:  Քննարկել են մասնավորապես ընտրակեղծիքների մասին հայտարարություն տված անձանց պատասխանատվության ենթարկելու մասին հոդվածը։

Լ. Զուրաբյանը նշեց, որ բանակցությունները շարունակվում են, հույս հայտնեց, որ կկարողանան գալ ընդհանուր հայտարարի: Նա ասաց, որ դեռ չեն մտածել, թե ինչ են անելու, եթե  համաձայնության չգան:

«Այս պահին կենտրոնացած ենք խնդրի հարթման վրա»,- հավելեց ՀԱԿ խմբացության ղեկավարը: