Ձեր վստահելի աղբյուրը

«Ռեալի» հարձակվող Քարիմ Բենզեման պատասխանել է ֆուտբոլիստների հասցեին Ֆրանսիայի նախագահ Ֆրանսուա Օլլանդի հնչեցրած քննադատությանը։ Հիշեցնենք, որ երկրի ղեկավարը կասկածել է խաղացողների ինտելեկտուակ ունակություններին և շեշտել, որ Բենզեման տարբեր սկանդալներին մասնակցությամբ վատ օրինակ է երիտասարդների համար։ Հարձակվողը նաև հույս է հայտնել, որ կվերադառնա Ֆրանսիայի հավաքական։

«Ի՞նչ կարող եմ ասել՝ կապված Օլլանդի խոսքերի հետ։ Եթե ես օրինակ չեմ դառնում մյուսների համար, թող մեկ ուրիշը լինի,- Բենզեմայի խոսքերը մեջբերել է sport-express.ru-ն։- Ես ֆուտբոլ եմ խաղում ու մարդկանց ուրախություն պարգևում։ Կարծում եմ, որ ծնողներս լավ են դաստիարակել ինձ։

Հավաքականի մասին խոսելն անօգուտ է։ Ես պետք է լավ խաղամ «Ռեալում» ու սպասեմ հրավերի։ Ինձ համար վերադարձը հավաքական կարևոր է։ Հույս ունեմ, որ մի հիանալի օր դա տեղի կունենա»։