Ձեր վստահելի աղբյուրը

Արդարադատությունը կամ արդարադատություն բառը  Հայաստանի քաղաքացու  մոտ միշտ չէ որ դրական սպասումներ, ակնկալիքներ է առաջացնում,- ԱԺ-ում կառավարության ծրագրի քննարկման ժամանակ արտահերթ ելույթում ասաց արդարադատության նախարար Արփինե Հովհաննիսյանը:

Ըստ նրա, համակարգում  քիչ չեն այն դեպքերը, երբ հաճախ ստորադաս դատարանների վճիռները  վերադաս դատարանների  դատավորների  ցուցումների հիման վրա են կայացվում: Նախարարի ներկայացմամբ՝  նաև խնդիր է հանդիսանում արդարադատության խորհրդի դատավոր անդամների անկախության ապահովումը:

«Անձամբ համոզված եմ՝ որքան էլ երաշխիքներ ստեղծենք, ցանկանանք արտաքին անկախությունն ապահովել, մենք արդարադատության համակարգում դատավորների ներքին անկախության  ապահովման խնդիր ունենք: Պատահական չեմ համարում, որ Սահմանադրությունը կատարեց համապատասխան փոփոխություններ, որոնցով ամրագրվեց  բարձրագույն դատական խորհրդի գաղափարախոսությունը, և արդարադատության նախարարության կողմից մշակվող Դատական օրենսգիրքն իր տեսլականը կառուցելիս հենց այս սկզբունքով է առաջնորդվելու»,- ասաց Ա.Հովհաննիսյանը:

Նախարարի ելույթն ամբողջությամբ՝ տեսանյութում: