Ձեր վստահելի աղբյուրը

«Կառավարության ծրագիրը ներկայացում է  մեր թիմի տեսլականը՝ ուղղված Հայաստանի զարգացմանը»,-Ազգային ժողովի արտահերթ նիստում կառավարության ծրագիրը ներկայացնելով՝ ասաց վարչապետ Կարեն Կարապետյանը:

Նա նշեց, որ  ծրագրի մշակման ընթացքում բազում հանդիպումներ, առարկայական քննարկումներ են ունեցել ՀՀ նախկին վարչապետերի, նախարարների, պետական կառավարման հարուստ փորձ ունեցող մի շարք քաղաքական գործիչների, հայ և օտարերկրյա հայտնի տնտեսագետների, փորձագետների,  բիզնես աշխարհի ներկայացուցիչների, հասարակության լայն շերտերը ներկայացնող, երկրի ապագայի նկատամբ ոչ անտարբեր մարդկանց հետ, մանրամասն քննարկումներ են տեղի ունեցել ՀՀԿ, ՀՅԴ կառույցների հետ:

Կ. Կարապետյանի ներկայացմամբ՝ կառավարության ծրագիրը միջոցառումների համալիր  է՝ սահմանված ժամկետներով:

«Հայաստանի կառավարության նպատակն է  Հայաստանում բարեփոխումների միջոցով ապահովել մեր երկրի գերագույն արժեք հանդիսացող՝ Հայաստանի Հանրապետության քաղաքացու՝  պաշտպանվածությունը, արժանապատվությունը, կենսամակարդակի բարձրացումը, արդար հասարակության մեջ ապրելը, լավատեսությունն ապագայի նկատմամբ: Այս նպատակները կարևոր են միշտ և ունեն կոնկրետ դրսևորումներ ցանկացած ժամանակահատվածում:  Կառավարության  խնդիրն է վեր հանել դրանց հասնելու խոչընդոտները և դրանց արդյունավետ լուծումներ տալ»,- ասաց կառավարության ղեկավար Կարեն Կարապետյանը: