Ձեր վստահելի աղբյուրը

«Ատլետիկոյի» գլխավոր մարզիչ Դիեգո Սիմեոնեն «Ռոստովի» նկատմամբ Չեմպիոնների լիգայի խմբային փուլի 3-րդ տուրի խաղում 1։0 հաշվով տոնած հաղթանակից հետո նշել է մրցակցի ուժը։ Այս մասին հայտնում է «Sport-Express»-ը։

Մադրիդյան թիմը վաստակել է 9 միավոր և գլխավորում է «D» խմբի մրցաշարային աղյուսակը՝ 3 միավորով գերազանցելով «Բավարիային»։ «Ռոստովն» ու ՊՍՎ-ն մեկական միավոր են վաստակել։

«Ծանր խաղ էր սպասվում, քանի որ խաղում էինք բարդ մրցակցի դեմ։ Առաջին կեսում գրոհները շատ էին, սակայն չէր հաջողվում գոլ խփել, և դա մեզ հանգստանալու հնարավորություն չէր տալիս։ Այն բանից հետո, երբ խփեցինք, հանգստություն ունեինք, և խաղալն ավելի հեշտ դարձավ։

Իհարկե, այս մրցաշարում յուրաքանչյուր հաղթանակ կարևոր է։ Յաննիկ Ֆերեյրա-Կարասկոն շարունակում է գոլային հրաշալի շարքը։ Նա երկու խաղակեսում էլ լավ խաղաց, կատարեց այն, ինչ մշակել էինք մարզումների ժամանակ, հիանալի գործեց ու պարգևատրվեց գոլով։

Վերահսկում էինք խաղը ողջ հանդիպման ընթացքում։ Ճիշտ է՝ վերջին քառորդ ժամում «Ռոստովը» լավ էր գրոհում, դա ուժեղ թիմ է, որը կարող էր հավասարեցնել հաշիվը։ Նավասի միացումները գրոհներին որոշակի սրություն էին առաջացնում մեր տուգանային հրապարակի մոտ։ Ստիպված էինք փոխարինումներ կատարել։

Մասնավորապես՝ խաղադաշտ մտցրեցինք Սաուլին և Տիագուին, ովքեր հիանալի են խաղում գլխով։ Փորձում էինք ավելացնել հաշվի տարբերությունը։ Բայց լավ է նաև այն, որ հասանք հաղթանակի նվազագույն հաշվով»,- ասել է Սիմեոնեն: